بشير محمّد عثمان بشير/يا شعب يا ثائر

قصيدة ثوريّة كتبها بشير محمّد عثمان بشير ونشرها على صفحته في فيسبوك في 25 ديسمبر 2018، فيما يبدو بمناسبة موكب 25 ديسمبر.

النص

يا شعب يا ثائر

يا واعي من شبَّ

يا صانع الثورات

هبَّة ورا الهبَّة

تبَّت يد الظالم

تبَّ الظلم تبَّ

في اكتوبر أو أبريل

ديسمبر اتربَّى

ماضيكَ يا الحاضر

بالحاضر اتنبَّا

يوم نادى سودانك

كل البلد لبَّى

جامعاتك الحرَّة

واستادك الهبَّ

أسواقك القامت

والشارع اتعبَّا

سكة رجوع مافيش

مقفولة بالضبَّة

جيناك دربنا عديل

ما جينا نتدبَّ

ما عندنا البخشاك

ما عندك الحبَّة

شمس الصباح اللاح

وين تاني تتغبَّ

موج الألوف عاتي

كان عسكرك صبَّة

غيم الخلاص شايل

مطر الفرج صبَّ

يا شعب يا ثائر

يا شعب تتحبَّ

يا شعب تتحبَّ❤️✊🏽