استعرض مصدر عبد الله جعفر/مسدار العبور

[[تصنيف:أشعار الثورة]]
كتبه [[عبد الله جعفر]] مع إرهاصات انقلاب البرهان في أكتوبر 2021. كتب المربّعات بصورة منفصلة ونشرها تباعا على [https://www.facebook.com/abdalla.gafar.3 صفحته في فيسبوك] ما بين [[2021-10-18]] و[[2021-11-24]]، مستخدما هاشتاق <nowiki>#مسدار_العبور</nowiki>.


== النص ==


[https://www.facebook.com/abdalla.gafar.3/posts/10165734183630707]
{{مربّع
|يا عبد الوهاب، اسمعني يا البرهان
|ياخي الحق تبيّن ما بدور برهان
|والجاب الهوان لي شعبو يوم بتهان
|والشعب العظيم ما بخوضوا ضدّو رهان
}}



[https://www.facebook.com/abdalla.gafar.3/posts/10165756172325707]
{{مربّع
|يا وطني العزيز نارك تجلجل حيّة
|ما بطفيها خاين بي سواتو النيّة
|في ابريل انتصرنا قطعنا راس الحيّة
|ولعبد الوهاب بكرة بنخلف الكيّة
}}



[https://www.facebook.com/abdalla.gafar.3/posts/10165756795785707]
{{مربّع
|في درب النضال خابرين طريقنا سِلِكنا
|رغن انف الأرادل والبقولوا هِلِكنا
|ماسكين في فكينا وما بنخلّي سِلِكنا
|والقايد الكبير حمدوك حبيبنا مِلِكنا
}}



[https://www.facebook.com/abdalla.gafar.3/posts/10165758039935707]
{{مربّع
|يا عبد الوهاب مالك بقيت تتكبكب؟
|انت براكَ خلّيت الأمور تتكركب
|اركب زي بشيرك ما ركب، قوم اركب
|ارحل، ما نشوفك تاني في ها الكوكب
}}



[https://www.facebook.com/abdalla.gafar.3/posts/10165778570990707]
{{مربّع
|يا عبد الوهاب اصلو الايام بتدور
|ف شنو، تقوم تخرمج، سوّي زي ما تدور
|كُشّ السفرا جت، قولّيهم يخلوا الدور
|واوعك تنسى ياخ تطلق سراح غندور
}}



[https://www.facebook.com/abdalla.gafar.3/posts/10165779883410707]
{{مربّع
|أذّان الفجر حسّع نده نبّاهو
|اصبر يا الغشيم والجاك ما تاباهو
|سبتو العالي قدرو البيهو كان تتباهو
|جبتو التوم هجو، لا مؤاخذة، وأشباهو|ذيل4=!
}}



[https://www.facebook.com/abdalla.gafar.3/posts/10165785865520707]
{{مربّع
|يا عبد الوهاب ما بتلقوا زول جهبوذ
|بقبل يشتغل في خدمة #المنبوذ
|المليان عُقد، كل مرّة مادّي البوز
|وحتّى وقت يشوت اشتر بشوت بالبوز
}}



[https://www.facebook.com/abdalla.gafar.3/posts/10165802424420707]
{{مربّع
|يا حليل الرجال، شوف الشنب والهيبة
|يا ود الاصول الما بتعَرْف العيبة
|أسبوعين كتير يا غالي وين الغيبة
|يقدل بي وراك عملا السواد والخيبة
}}



[https://www.facebook.com/abdalla.gafar.3/posts/10165802852335707]
{{مربّع
|كلمتك آب شنب، خلّت حميدتي يتمتم
|ينضم مرّة ويسكت ومرّة يبدا يشتّم
|ويكلفت سريع فوق انقلابو يتمتم
|أرفدك، أطبعك، امضاكَ، أكتب، ختّم
}}



[https://www.facebook.com/abdalla.gafar.3/posts/10165811726155707]
{{مربّع
|أقلب كم حجر كان تلقى ليك وزير
|وجيب كم توم هجو، لا مؤاخذة، وخنزير
|وداك ليو كوم ارادل راقدة تحت الزير
|والكيزان مدلدلة فوقو بالجنزير
}}



[https://www.facebook.com/abdalla.gafar.3/posts/10165831678515707]
{{مربّع
|يا عقّار لقيت بعد البطولة بطالة
|"لاقينا الرفيق"، قال، "حالتو ما بطّالة|ذيل2="
|باري اردول وديل زيد العطالى عطالة
|حيطة الثورة عالية ومافي خاين طالا
}}



[https://www.facebook.com/abdalla.gafar.3/posts/10165831790950707]
{{مربّع
|جبريل استحقّ براهُ لقب #الواطي
|خبث ودهنسة وخسّة وغرور وتواطي
|غرقان في النذالة المافي ليها شواطي
|ناس تاطا الجُمر لي غرضو فوقم واطي
}}



[https://www.facebook.com/abdalla.gafar.3/posts/10165835700550707]
{{مربّع
|يا عبد الوهاب البينّا أصبح دم
|جايينّك هناك اتغتّى واتدمدم
|وحميدتي الوراك قول ليه شيل واندم
|يوم تلقى البنيتو اتهدّ واتهدّم
}}



[https://www.facebook.com/abdalla.gafar.3/posts/10165836986180707]
{{مربّع
|.. صدقوا الشباب اللقّبو(ه) #الوسخان
|البايع ضميرو وباع عهودو وخان
|أسيادك هناك بيقولو ليك برخان؟
|النار لسّة جاية الشفتو دا الدخّان
}}



[https://www.facebook.com/abdalla.gafar.3/posts/10165837771870707]
{{مربّع
|اتحدّى الكجر قالُّم بدور نتباطن
|الحُر الكلس، جد قولو ماهو غلاطاً
|وبفد كلمتين خلّى المكن تتراطن
|احتاروا الكلاب لامن رؤوسم طاطن
}}



[https://www.facebook.com/abdalla.gafar.3/posts/10165837842740707]
{{مربّع
|ما قصّرتي تب يا مريم المنصورة
|خلّي الصوت يصل، بالصوت كمان والصورة
|أعصري ها الكلاب اكتر هي ما معصورة
|سقطت وانتهت بس راجية ينفخوا صورا|ذيل4=!
}}



[https://www.facebook.com/abdalla.gafar.3/posts/10165838183965707]
{{مربّع
|ليه راكبين حصين دام انتو ذاتو حصين؟
|ومتحدثّكم أهبل والمعاه رصين|ذيل2=؟!
|قال قال ما سمعنا! إنتو وين؟ في الصين؟
|قوم، قامت قيامتك؛ نحن ما ناقصين
}}



[https://www.facebook.com/abdalla.gafar.3/posts/10165853313300707]
{{مربّع
|حمدوك انسخت، خذل الجميع بي فعلو
|يرقد تاني ساي لحميدتي ويمسح نِعلو
|والهانو الكريم بين العباد ما بِعلو
|شلنا الفاتحة فيو عزّينا فوقو الزِعلو
}}



[https://www.facebook.com/abdalla.gafar.3/posts/10165853611350707]
{{مربّع
|مدّينا العِنب واختار يياكل الموز
|ومن كان ليهُ هيبة اختار يكون أراجوز
|ويبقى مع الأرادل والخسيس الكوز
|مع عبد الوهاب، اتلمّوا جوز اللوز
}}