استعرض مصدر يوسف محي الدين/بابور الفزع

قصيدة ثوريّة كتبها [[يوسف محيي الدين]] بمناسبة [[قطر عطبرة|وفود قطار عطبرة]] لدعم [[اعتصام القيادة]]. في قالب المسادير، نشر مربّعاتها مجزّأة على [https://www.facebook.com/1425434219 صفحته على فيسبوك]، مروراً بالمحطّات: [[عطبرة]] - [[الدامر]] - [[الزيداب]] - [[العالياب]] - [[المحميّة]] - [[أم على]] - [[كبوشية]] - [[التراجمة]] - [[شندي]] - [[جبل جاري]] - [[الرويان]] - [[الجيلي]] - [[القبّة]] - [[الكدرو]] - [[بحري]] - [[الخرطوم]]؛ ثمّ [https://www.facebook.com/yousifeeno/posts/10213943960699543 نشرها مجتمعة] في 26 أبريل 2019.

== النص ==

{{أبيات|خيارات=مسدار، ترقيم|
! [https://www.facebook.com/yousifeeno/posts/10213925339194017 عطبرة] !
بابور الفزع .. قام بي حديدو ونارو
أب نفسا سخن .. متل الجرارق الثارو
الصنفور وقف .. خلى الخلوق يتجارو
في السكة الحنين راجين هناك اخبارو
----
! [https://www.facebook.com/yousifeeno/posts/10213925574879909 الدامر] !
عَصَر القضيب .. قالت فلنكتو ووب
اطناشر ضهر .. فوق دامر المجدوب
انجمّ و سَدَر .. شويم تجاهو جنوب
في وداعة الكريم عارف القدر مكتوب
----
! [https://www.facebook.com/yousifeeno/posts/10213932577494970 الزيداب] !
اتنهَّف شخَر .. ميَّل على الزيداب
بُوريهو الحنين .. طراني عود زرياب
دخانو العَكَل .. في الجو تكنّو سحاب
ختّاف المسافة ان فات  تشوفو رِهاب
----
! [https://www.facebook.com/yousifeeno/posts/10213932820501045 العالياب] !
في العالياب وقف ممشوق وليهو مهابة
اتمغّى وعطس .. دخانو جاب عطرابة
شقّاق الوعر .. جَبَّال .. قَوَزَّن .. وغابة
 .. فوق ضهرو بيشيل الكُحلهم دِنقابة
----
! [https://www.facebook.com/yousifeeno/posts/10213933708883254 المحميّة] !
انقسم النهار .. والناس عطش مروية
قام كاتل ملف .. عجلاتو دافعة الدِّية
العوضاب عموم راجنو في المحمية
نحرو امات سنام وياها دي المحرية
----
! [https://www.facebook.com/yousifeeno/posts/10213933761244563 أم علي] !
لاح جبل أم علي .. فوق الرمُل متشتّح
بابور الفزع .. طالق عجاجو يكتّح
في ليل في نهار .. سواقو ديمة مفتِّح
الخابر العطشجي والفوق قَمَرتو مسطِّح
----
! [https://www.facebook.com/yousifeeno/posts/10213935788735249 كبوشيّة] !
 .. قام ناظر كبوشية وقلبلو الشوكة
تاكينلو الكُباشة وحامية نار الدوكة
تنكيهو انسرف .. جُلّة عجلتو دبوكة
دخانو اتربط في راسو متل التوكة
----
! [https://www.facebook.com/yousifeeno/posts/10213937192610345 التراجمة] !
دخل التراجمة .. تروسو سوّت كَرعة
فاض بيهو الحنين نونايو شق التُّرعة
سواقو الهميم من شوقو زاد السرعة
مكتول بالشجن لاحق حسين بازرعة
----
! [https://www.facebook.com/yousifeeno/posts/10213936597955479 شندي] !
قام ناوَر جِهِز .. صعّد مقابل شندي
سواقو انسطل .. بي ريحة الباشندي
إن ما الاعتصام .. راجيهو للجربندي 
كان عايز مبيت الخدُّو يوسف افندي
----
! [https://www.facebook.com/yousifeeno/posts/10213937277092457 جبل جاري] !
عمال الدريسة راجنّو تب في جاري
سواقو الشفت قام بيهو فاتح جاري
ماقرّب يصل؟ .. شفقان اناغم جاري
بي طعم النصُر الفاق سلا وقنجاري
----
! [https://www.facebook.com/yousifeeno/posts/10213942918193481 جبل الرويان] !
فات حجر العسل شارف على الرويان
بي حب الوطن .. وترابو قام مليان
قفلولو الطريق .. العمدة جاو حفيان
حاتم طي هناك .. انشاف عيان وبيان
----
! [https://www.facebook.com/yousifeeno/posts/10213943098117979 الجيلي] !
 .. استعدل نفخ نار غُبنو فوق  بَفَّاتو
قادل بالعديل .. الجيلي شاف مصفاتو
السكة الحنين خابراهو عارفة صفاتو
كم شال الهموم وحفظ الجميل للفاتو
----
! [https://www.facebook.com/yousifeeno/posts/10213943148199231 القبّة] !
قشَّاش الطريق .. دخل العِصير القبة
 .. حرية وسلام وعدالة جوفو معبّى
الفوق السطوح ثايرين و عاملين ربّة
ناصرين الهناك .. جنب القيادة انصبّ
----
! [https://www.facebook.com/yousifeeno/posts/10213943175599916 الكدرو] !
المنقة استوت والموز مخَدِّر شَدَرو
خيراتن كتار بانن هناك في الكَدَرو
فرسان الوعر الفي الغياهب سَدرو
العزو البلد .. لا خانو تب لا غَدَرو
----
! [https://www.facebook.com/yousifeeno/posts/10213943248241732 بحري] !
الشمش انتكت .. والناس صبُرهٌم قطَّ
يا بحري السلام .. باقيلنا تاني محطّة
ود النُّص* كتب .. لا ساب سطر لا فطّ
في دفتر هواك .. يا عزة عارف الخُطّة
----
! [https://www.facebook.com/yousifeeno/posts/10213931150499296 سائق القطر] !
يا السايق القطار سُقت القلوب في السِّكَّة
خلِّيت القُلامة .. متل العيون تتبكّى
يوم قطرك دخل .. جوة القيادة وركّ
راجياهو الجموع .. فرحانة زي يوم مكّة
}}
[[تصنيف:أشعار الثورة]]