https://sudan.abdallagafar.com/index.php?action=history&feed=atom&title=%D8%A3%D8%B2%D9%87%D8%B1%D9%8A_%D9%85%D8%AD%D9%85%D8%AF_%D8%B9%D9%84%D9%8A%2F%D9%86%D8%AD%D9%86%D8%A7_%D9%85%D8%A7%D9%81%D9%8A_%D8%A7%D9%8A%D8%AF%D9%86%D8%A7_%D8%B1%D8%B5%D8%A7%D8%B5أزهري محمد علي/نحنا مافي ايدنا رصاص - تاريخ المراجعة2026-10-25T03:28:31Zتاريخ التعديل لهذه الصفحة في الويكيMediaWiki 1.23.9https://sudan.abdallagafar.com/index.php?title=%D8%A3%D8%B2%D9%87%D8%B1%D9%8A_%D9%85%D8%AD%D9%85%D8%AF_%D8%B9%D9%84%D9%8A/%D9%86%D8%AD%D9%86%D8%A7_%D9%85%D8%A7%D9%81%D9%8A_%D8%A7%D9%8A%D8%AF%D9%86%D8%A7_%D8%B1%D8%B5%D8%A7%D8%B5&diff=606&oldid=prevSarah: أنشأ الصفحة ب'قصيدة كتبها أزهري محمد علي ونشرها على [https://web.facebook.com/azhari.m.ali/posts/1990930514289642 صفحته على الفيسبوك...'2021-01-24T16:10:11Z<p>أنشأ الصفحة ب'قصيدة كتبها <a href="/index.php?title=%D8%A3%D8%B2%D9%87%D8%B1%D9%8A_%D9%85%D8%AD%D9%85%D8%AF_%D8%B9%D9%84%D9%8A&action=edit&redlink=1" class="new" title="أزهري محمد علي (الصفحة غير موجودة)">أزهري محمد علي</a> ونشرها على [https://web.facebook.com/azhari.m.ali/posts/1990930514289642 صفحته على الفيسبوك...'</p>
<p><b>صفحة جديدة</b></p><div>قصيدة كتبها [[أزهري محمد علي]] ونشرها على [https://web.facebook.com/azhari.m.ali/posts/1990930514289642 صفحته على الفيسبوك] بتاريخ [[2018-12-30]]<br />
<br />
== النص ==<br />
<poem><br />
يااخي روق <br />
اصلو صوت السلطة وسواس<br />
وسترة تحت البدلة ظاهرة <br />
سترة من ذخة رصاص؟ <br />
سترة لي شنو <br />
و نحن ما في ايدنا رصاص؟<br />
نحن سالين الله سترة <br />
سترة يا رب الخلاص<br />
الزم الواطة روق<br />
الحشود الفي الشوارع <br />
ديل ولاد ناس<br />
ديل نفوس والله طاهرة <br />
و مافي بيناتا صعلوق <br />
نحن حطمنا القيود <br />
و انطلقنا علي البراحات<br />
و تاني ما بحكمنا مطلوق <br />
و نحن في ايدنا الصباحات<br />
البتشرق و التعشرق<br />
لي عدو الشعب العقوق<br />
نحن في ايدنا القصاص <br />
لليصعر خدو للناس <br />
و ينتهك كل الحقوق<br />
صنقع السما لو بتقدر <br />
نحن في لفحي البروق<br />
و دنقر الواطة بتشوفنا <br />
حية بينات الشقوق<br />
و برضو مافي ايدنا رصاص<br />
الزم الواطة روق<br />
دي المرارات التفور<br />
فوق صدورنا و تغلي بركان<br />
و تنطلق من الحلوق<br />
و يا حلات البمبي بنبان<br />
زاهي في شاشة الشروق <br />
ترديهو السمحة فستان <br />
و في بنات الثورة ما بحوق<br />
و انت عامل فيها شيطان <br />
قرمصيص السلطة ممحوق<br />
و انت نايم ولا نعسان <br />
الرقيص في الدارة ملحوق<br />
عست عوسك سلطة سطة<br />
و البعوس السم اليضوق <br />
و نحن فعلا شعب اسطى<br />
الا وقت الحارة لايوق<br />
يوم يفج الواطة يمرق<br />
بستشف وقت المروق<br />
لا بترجعو بالشعارات<br />
و لا بتحندكو بالعلوق<br />
تاح تراح ارواحنا التروح<br />
الله هو الشاريها من فوق<br />
الله اكرمنا بالدين<br />
و انت ذليت بيهو الخلوق<br />
نحن نفلت من عقاربك <br />
تلتهمنا مخالب السوق <br />
قمنا شان نتعافى منك<br />
تنطلق ساقيتنا و تسوق<br />
تاتشرات النحس تنفك<br />
في ترا الجزيرة واسوق<br />
و اليقين يوم يقطع الشك <br />
نبقى في العرش المروق<br />
يا سلام يا علي المك <br />
جيب معاك الليلة زروق<br />
نسترد سودانا الزمان<br />
من كلاب الجبهة مسروق<br />
الدخل كوبر حبيس<br />
و المشى القصر خازوق<br />
انت اولى بيك لاهاي<br />
و دمنا اولى بيهو العروق<br />
الزم الواطة روق <br />
و نحن مافي ايدنا رصاص<br />
<poem/><br />
[[تصنيف:أشعار الثورة]]</div>Sarah