«قواعد الذوق الأربعون»: الفرق بين المراجعتين

من Sudan Memory
اذهب إلى: تصفح، ابحث
سطر ٢: سطر ٢:
  
 
== المحتوى ==
 
== المحتوى ==
−
[https://www.facebook.com/mohammed.mirghany/posts/3502084636513109] ليس من الضروري أن تبدي رأيك في كل شيء، لاسيما إن كان قد يؤذي آخرين.
+
1/ ليس من الضروري أن تبدي رأيك في كل شيء، لاسيما إن كان قد يؤذي آخرين{{فيسبوك|https://www.facebook.com/mohammed.mirghany/posts/3502084636513109}}.
  
  
سطر ١٥: سطر ١٥:
  
  
−
4/ لمن زول يحاول في شي كتير ويفشل ويستعين بيك فقبل تنجز الأمر تظاهر بإنه صعب (مهما كان ساهل بالنسبة ليك).<ref>[https://www.facebook.com/mohammed.mirghany/posts/3506156286105944 البوست الأصلي للقاعدة 4]</ref>
+
4/ لمن زول يحاول في شي كتير ويفشل ويستعين بيك فقبل تنجز الأمر تظاهر بإنه صعب (مهما كان ساهل بالنسبة ليك{{فيسبوك|https://www.facebook.com/mohammed.mirghany/posts/3506156286105944}}.
  
 
مثلاً لو أمك استعانت بيك تدخّل الخيط في الإبرة فتظاهر بالفشل قبل تدخّل الخيط عشان تطمنها انها لسه صغيرة ونظرها كويس.
 
مثلاً لو أمك استعانت بيك تدخّل الخيط في الإبرة فتظاهر بالفشل قبل تدخّل الخيط عشان تطمنها انها لسه صغيرة ونظرها كويس.
سطر ٢٤: سطر ٢٤:
  
  
−
5/ لمن يكون عندك زول بِحتاج خدمة منك من وقت لآخر، فإنت برضو أطلب منه حاجات بسيطة في إمكانه (حتى لو ما محتاج ليها) بس عشان ما يتحسس لمن يحتاج ليك ..<ref>[https://www.facebook.com/mohammed.mirghany/posts/3506199496101623 البوست الأصلي للقاعدة 5]</ref>
+
5/ لمن يكون عندك زول بِحتاج خدمة منك من وقت لآخر، فإنت برضو أطلب منه حاجات بسيطة في إمكانه (حتى لو ما محتاج ليها) بس عشان ما يتحسس لمن يحتاج ليك{{فيسبوك|https://www.facebook.com/mohammed.mirghany/posts/3506199496101623}}.
  
 
وأنا واثق إنك لو عملت كدا لوجه الله فحيجزيك ثواب كأنك متصدق برضو.
 
وأنا واثق إنك لو عملت كدا لوجه الله فحيجزيك ثواب كأنك متصدق برضو.
سطر ٣١: سطر ٣١:
  
  
−
6/ ما تعمل "هاها" لبوستات جادة.<ref>[https://www.facebook.com/mohammed.mirghany/posts/3506823919372514 البوست الأصلي للقاعدة 6]</ref>
+
6/ ما تعمل "هاها" لبوستات جادة{{فيسبوك|https://www.facebook.com/mohammed.mirghany/posts/3506823919372514}}.
  
 
<nowiki>#فيسبوك</nowiki>
 
<nowiki>#فيسبوك</nowiki>
  
  
−
7/ ما تعلق سلباً على شكل زول أو وزنه (أو أي شي ما بيده تغييره) أياً كانت قرابتك بيهو وأياً كان قصدك من التعليق.<ref>[https://www.facebook.com/mohammed.mirghany/posts/3508070949247811 البوست الأصلي للقاعدة 7]</ref>
+
7/ ما تعلق سلباً على شكل زول أو وزنه (أو أي شي ما بيده تغييره) أياً كانت قرابتك بيهو وأياً كان قصدك من التعليق{{فيسبوك|https://www.facebook.com/mohammed.mirghany/posts/3508070949247811}}.
  
 
ما دام ما عندك كلام طيب يبقى تسكت بس.
 
ما دام ما عندك كلام طيب يبقى تسكت بس.
سطر ٤٣: سطر ٤٣:
  
  
−
8/ ما تسأل ناس متزوجين بقيتوا تلاتة ولا عشرة.. ما بخصك.<ref>[https://www.facebook.com/mohammed.mirghany/posts/3509497725771800 البوست الأصلي للقاعدة 8]</ref>
+
8/ ما تسأل ناس متزوجين بقيتوا تلاتة ولا عشرة..ما بخصك{{فيسبوك|https://www.facebook.com/mohammed.mirghany/posts/3509497725771800}}..
  
 
ما تسأل الخاطب العرس متين كل شوية؛
 
ما تسأل الخاطب العرس متين كل شوية؛
سطر ٥٦: سطر ٥٦:
  
  
−
9/ ما تنتقص من حاجة أثٌرت على مشاعر زول سواء فرح أو حزن مهما كانت الحاجة دي بسيطة في نظرك و ركّز على مشاعره ما على الأسباب.<ref>[https://www.facebook.com/mohammed.mirghany/posts/3511847525536820 البوست الأصلي للقاعدة 9]</ref>
+
9/ ما تنتقص من حاجة أثٌرت على مشاعر زول سواء فرح أو حزن مهما كانت الحاجة دي بسيطة في نظرك و ركّز على مشاعره ما على الأسباب{{فيسبوك|https://www.facebook.com/mohammed.mirghany/posts/3511847525536820}}.
  
 
مثلاً:
 
مثلاً:
سطر ٧٥: سطر ٧٥:
  
  
−
10/ الريجكشن مسج أبدا ما عيب ولا حاجة محرجة إطلاقاً، المحرج والسخيف إنك تخلي الزول متعشم لفترة طويلة من الزمن ومنتظرك ..<ref>[https://www.facebook.com/mohammed.mirghany/posts/3513409955380577 البوست الأصلي للقاعدة 10]</ref>
+
 
 +
10/ الريجكشن مسج أبدا ما عيب ولا حاجة محرجة إطلاقاً، المحرج والسخيف إنك تخلي الزول متعشم لفترة طويلة من الزمن ومنتظرك{{فيسبوك|https://www.facebook.com/mohammed.mirghany/posts/3513409955380577}}..
  
 
رجاءً يا أصحاب الـ Events كلّموا الناس الما تم اختيارهم بطريقة فيها ذوق وراعوا لمشاعرهم في طريقة نقل الخبر برضو.
 
رجاءً يا أصحاب الـ Events كلّموا الناس الما تم اختيارهم بطريقة فيها ذوق وراعوا لمشاعرهم في طريقة نقل الخبر برضو.
  
 
<nowiki>#عمل</nowiki>
 
<nowiki>#عمل</nowiki>
 +
 +
 +
 +
11/ قدِّر المجهود وما تقيّم النتائج بس{{فيسبوك|https://www.facebook.com/mohammed.mirghany/posts/3515276198527286}}.
 +
 +
أمثلة:
 +
 +
- لو ابنك اجتهد لامتحان وما جاب نتيجة سمحة فقول ليو انك فخور بمحاولاته وباجتهاده والنتيجة بتتصلح لقدام.
 +
 +
- لو راجلك تعب نفسه عشان يجيب ليك حاجة ما تقعدي تشنّفي فيها وانت عارف انه اللون دا ما بحبه وبتاع.. قدّري لفّته الطويلة وأديهو الفيدباك بطريقة لطيفة بعد الشكر وإظهار الامتنان.
 +
 +
- لو مرتك عملت ليك وجبة وما عجبتك إياك تعلق الملح زايد وبتاع. أشكر ليها وقفتها الطويلة وتعبها في إعداد الوجبة دي ولو كمان أديتا بوسة في اليد مع تسلم ايدك الحلوة تكون اتجدعت واتقلبت هوبة عدييل..
 +
 +
وبعداك ممكن الفيدباك بطريقة لطيفة زي:
 +
"شنو يا جميل قللت السكر كدا متخيل كل الناس طاعمة زيك ولا شنو؟"
 +
 +
المثال الأخير ممكن يتحسب مع قواعد الحنك الأربعون 😂
 +
 +
الكلام الطيب دا ما بقروش والله يا جماعة ولو بقروش برضو فشريكك في الحياة بستاهلو يعني.
 +
 +
 +
 +
12/ كن جميلاً في طلبك ولا تُرهق الآخرين فتجبرهم على الموافقة لما لا يستطيعونه{{فيسبوك|https://www.facebook.com/mohammed.mirghany/posts/3517635701624669}}.
 +
 +
كيف؟
 +
 +
لمن تجي تطلب حاجة من زول أديه أعذار مسبقه لرفض طلبك بدون يتحسس، في ناس ما بتقدر ترفض أي طلب حتى لو ما كان في استطاعتهم، وبعداك إما يعملوا شي فوق طاقتهم أو يضطروا للاعتذار مرغمين..
 +
 +
فعشان توفّر عليهم وعلى روحك دائماً خليك جميل في طلبك.
 +
 +
أمثلة:
 +
 +
بدل: دايراك تمشي معاي الحتة الفلانية
 +
 +
قولي: لو ما طالعة مشوار أو ما عندك قراية شاغلاك فدايراك لو بتقدري تمشي معاي الحتة الفلانية ✅✅
 +
 +
بدل: دايرك تديني 10 ألف كاش
 +
 +
قول: بلقى عندك 10 ألف كاش؟ ولا مع الأزمة دي حالك زي حالنا؟ ههه (ضحكة خفيفة) ✅✅
 +
 +
وهكذا..
 +
 +
بتشوفها حاجات بسيطة لكن على نفوس الناس أثرها كبير والله.
 +
دي تعتبر بونص في الذوق لكن مع الناس الحساسين قاعدة عديل.
 +
 +
<nowiki>#خفافا</nowiki>
 +
<nowiki>#إحسان</nowiki>
 +
 +
 +
13/ في كل ما يعتمد على الذوق: لا تستقبح ما يراه الآخرون جميلاً حتى وإن لم تحبه،،
 +
و دَعْ ما لا يُعجبك إلى ما يعجبك{{فيسبوك|https://www.facebook.com/mohammed.mirghany/posts/3519154871472752}}.
 +
 +
مثلاً:
 +
 +
فنان ما عجبك ما تنتقص منه وببساطة شوف غيره وخليه للعاجبهم..
 +
 +
رواية/مسلسل ما عجبك حيعجب غيرك..
 +
 +
وجبة ما بتحبها شوف الوجبات البتحبها وخليها للبحبوها..
 +
 +
وهكذا..
 +
 +
سيء جداً إنه تنتقص وتسيء لشيء بس لأنه ما عجبك، احترم الغيرك العاجبهم الشي دا ياخ.
 +
 +
طبعاً السخرية اللطيفة لا تدخل ضمن الاساءة، خصوصاً في مجالات التنافس زي الرياضة مثلاً
 +
 +
بتحب برشلونة طبيعي تسخر من ريال مدريد ويكون عندك ذوق عادي لأنه كلنا عارفين دي لوازم تشجيع ومشاغلات وكدا..
 +
 +
دا غير انه السخرية بتكون في مجالك الضيق وعلى نطاق ناس بتعرفهم مسبقاً وحياخدوا كلامك على محمل السخرية فماف مشكلة..
 +
 +
 +
14/ في الأمور الممكن تهز الثقة خليك مبادر وما تحوّج الطرف التاني يتخت في وضع محرج{{فيسبوك|https://www.facebook.com/mohammed.mirghany/posts/3521632157891690}}.
 +
 +
مثلاً:
 +
 +
داير تدي زول قروش لحساب بينكم؛ هو قد يخجل يعدّها قدامك، بادر انت وقول ليهو كدي عِد القروش دي لأني ما متأكد منها، كدا حيحس بالراحة و حيعد مطّمن..
 +
 +
عملت موقف معين شريكك العاطفي ممكن يفهمه غلط، وفّر عليه عناء السؤال واشرح الموقف إنت..
 +
 +
يعني مثلاً مشيت تتكلم بالتلفون بعيد من مرتك لسبب معين فقبل تتعبها بالشك والتفكير في انك بتخونها طوالي تعال وريها اتكلمت مع منو وليه.
 +
 +
صديقك شافك في موضع حق شبهة تعال وضّح ليهو إنه كان قصدك كدا وكدا..
 +
 +
ما تساعد الناس على الظن السيء فيك ولا تحمّل أحبابك العبء دا.
 +
 +
<nowiki>#إحسان</nowiki>
 +
 +
 +
15/ احترم خصوصيات الناس{{فيسبوك|https://www.facebook.com/mohammed.mirghany/posts/3522874094434163}}.
 +
 +
زول ما ورّاك بمعلومة تخصه ما تمشي تفتّش وتنقّر وراها..
 +
 +
ما تفتّش في مقتنيات زول سواء شنطة أو دولاب أو غيرها بدون إذنه..
 +
 +
ما تستخدم تلفون زول أو لابتوبه بدون إذنه..
 +
 +
ما تعاين في رسايل ولا صور زول بدون إذنه..
 +
 +
(من نظر في كتاب أخيه بغير إذنه فإنما ينظر في النار)..
 +
كما ورد في الحديث الشريف و كتاب بمعنى رسالة وحالياً بتعني رسالة،تلفون أو أي شي خصوصي..
 +
 +
حتى في المواصلات ما تعاين لي جارك في تلفونه.
 +
 +
احترم رغبة الناس في كتم أسرارهم وما يخصهم ولا تسأل حتى عن أسباب..
 +
 +
حاجة سيدها ما أذن ليك تستخدمها ما تستخدمها.
 +
 +
<nowiki>#احترام</nowiki>
 +
  
 
== وصلات ومراجع ==
 
== وصلات ومراجع ==
 
<references/>
 
<references/>

مراجعة ٠٦:٥٣، ١٢ ديسمبر ٢٠٢٠

سلسلة نصائح في الذوق العام صاغها محمد ميرغني، وعرضها على صفحته في فيسبوك، مستخدما هاشتاق #قواعد_الذوق_الأربعون

المحتوى

1/ ليس من الضروري أن تبدي رأيك في كل شيء، لاسيما إن كان قد يؤذي آخرين.


2/ ما تنصح زول قدام الناس أياً كان غلطو، احترم مشاعرو عشان يحترم نصيحتك.

ولو الغلط بسيط فالتجاوز أفضل.


3/ لمن زول تفلت منه كلمة أو يعمل حركة مُحْرِجَه قدامك ويخجل من روحه.. تظاهر بإنك كنت مشغول بشي تاني و ما سمعت ولا شفت شي.

حركة بسيطة لكن حتجبر كسر كبير في نفسه..


4/ لمن زول يحاول في شي كتير ويفشل ويستعين بيك فقبل تنجز الأمر تظاهر بإنه صعب (مهما كان ساهل بالنسبة ليك.

مثلاً لو أمك استعانت بيك تدخّل الخيط في الإبرة فتظاهر بالفشل قبل تدخّل الخيط عشان تطمنها انها لسه صغيرة ونظرها كويس.

حاجة صغيرة خالص لكن أثرها في النفس كبير.

#إحسان


5/ لمن يكون عندك زول بِحتاج خدمة منك من وقت لآخر، فإنت برضو أطلب منه حاجات بسيطة في إمكانه (حتى لو ما محتاج ليها) بس عشان ما يتحسس لمن يحتاج ليك.

وأنا واثق إنك لو عملت كدا لوجه الله فحيجزيك ثواب كأنك متصدق برضو.

#إحسان


6/ ما تعمل "هاها" لبوستات جادة.

#فيسبوك


7/ ما تعلق سلباً على شكل زول أو وزنه (أو أي شي ما بيده تغييره) أياً كانت قرابتك بيهو وأياً كان قصدك من التعليق.

ما دام ما عندك كلام طيب يبقى تسكت بس.

#بديهيات


8/ ما تسأل ناس متزوجين بقيتوا تلاتة ولا عشرة..ما بخصك..

ما تسأل الخاطب العرس متين كل شوية؛

ولا تسأل أنثى (أياً كان عمرها) ماف حاجة في السكة يابت؟ وحتقعدي كدا لمتين؟

ما قاعدة في بيت أبوك هي 😒؛

الزواج والإنجاب دي حاجات بيد الله وحده وسؤالك محرج وسخيف لكن هم حيجاملوك في الاجابة لأنهم ظريفين ما زيك 😒.

#احترام


9/ ما تنتقص من حاجة أثٌرت على مشاعر زول سواء فرح أو حزن مهما كانت الحاجة دي بسيطة في نظرك و ركّز على مشاعره ما على الأسباب.

مثلاً:

زول فرحان بإنه دخل الجامعة ما تنتقص ليو من الإنجاز بكلام زي ما عارف الراجيك وبتاع..

كل مرحلة عندها إنجازاتها.

زول زعلان من حاجة ما تقول ليو هسي دي حاجة تزعّل؟ وعينة الكلام الزي دا..

زول حزين من حاجة ما تتفه ليو سبب حزنه

ركّز على طمئنته وتقويته هو بدل تطّلعه ضعيف وبحزن من حاجات ما بتستحق..

احترامك للشخص بفرض عليك تحترم مشاعره وتقدّرها وما تشوف كل شي من زاويتك انت براك.

#جبر_الخواطر


10/ الريجكشن مسج أبدا ما عيب ولا حاجة محرجة إطلاقاً، المحرج والسخيف إنك تخلي الزول متعشم لفترة طويلة من الزمن ومنتظرك..

رجاءً يا أصحاب الـ Events كلّموا الناس الما تم اختيارهم بطريقة فيها ذوق وراعوا لمشاعرهم في طريقة نقل الخبر برضو.

#عمل


11/ قدِّر المجهود وما تقيّم النتائج بس.

أمثلة:

- لو ابنك اجتهد لامتحان وما جاب نتيجة سمحة فقول ليو انك فخور بمحاولاته وباجتهاده والنتيجة بتتصلح لقدام.

- لو راجلك تعب نفسه عشان يجيب ليك حاجة ما تقعدي تشنّفي فيها وانت عارف انه اللون دا ما بحبه وبتاع.. قدّري لفّته الطويلة وأديهو الفيدباك بطريقة لطيفة بعد الشكر وإظهار الامتنان.

- لو مرتك عملت ليك وجبة وما عجبتك إياك تعلق الملح زايد وبتاع. أشكر ليها وقفتها الطويلة وتعبها في إعداد الوجبة دي ولو كمان أديتا بوسة في اليد مع تسلم ايدك الحلوة تكون اتجدعت واتقلبت هوبة عدييل..

وبعداك ممكن الفيدباك بطريقة لطيفة زي: "شنو يا جميل قللت السكر كدا متخيل كل الناس طاعمة زيك ولا شنو؟"

المثال الأخير ممكن يتحسب مع قواعد الحنك الأربعون 😂

الكلام الطيب دا ما بقروش والله يا جماعة ولو بقروش برضو فشريكك في الحياة بستاهلو يعني.


12/ كن جميلاً في طلبك ولا تُرهق الآخرين فتجبرهم على الموافقة لما لا يستطيعونه.

كيف؟

لمن تجي تطلب حاجة من زول أديه أعذار مسبقه لرفض طلبك بدون يتحسس، في ناس ما بتقدر ترفض أي طلب حتى لو ما كان في استطاعتهم، وبعداك إما يعملوا شي فوق طاقتهم أو يضطروا للاعتذار مرغمين..

فعشان توفّر عليهم وعلى روحك دائماً خليك جميل في طلبك.

أمثلة:

بدل: دايراك تمشي معاي الحتة الفلانية

قولي: لو ما طالعة مشوار أو ما عندك قراية شاغلاك فدايراك لو بتقدري تمشي معاي الحتة الفلانية ✅✅

بدل: دايرك تديني 10 ألف كاش

قول: بلقى عندك 10 ألف كاش؟ ولا مع الأزمة دي حالك زي حالنا؟ ههه (ضحكة خفيفة) ✅✅

وهكذا..

بتشوفها حاجات بسيطة لكن على نفوس الناس أثرها كبير والله. دي تعتبر بونص في الذوق لكن مع الناس الحساسين قاعدة عديل.

#خفافا #إحسان


13/ في كل ما يعتمد على الذوق: لا تستقبح ما يراه الآخرون جميلاً حتى وإن لم تحبه،، و دَعْ ما لا يُعجبك إلى ما يعجبك.

مثلاً:

فنان ما عجبك ما تنتقص منه وببساطة شوف غيره وخليه للعاجبهم..

رواية/مسلسل ما عجبك حيعجب غيرك..

وجبة ما بتحبها شوف الوجبات البتحبها وخليها للبحبوها..

وهكذا..

سيء جداً إنه تنتقص وتسيء لشيء بس لأنه ما عجبك، احترم الغيرك العاجبهم الشي دا ياخ.

طبعاً السخرية اللطيفة لا تدخل ضمن الاساءة، خصوصاً في مجالات التنافس زي الرياضة مثلاً

بتحب برشلونة طبيعي تسخر من ريال مدريد ويكون عندك ذوق عادي لأنه كلنا عارفين دي لوازم تشجيع ومشاغلات وكدا..

دا غير انه السخرية بتكون في مجالك الضيق وعلى نطاق ناس بتعرفهم مسبقاً وحياخدوا كلامك على محمل السخرية فماف مشكلة..


14/ في الأمور الممكن تهز الثقة خليك مبادر وما تحوّج الطرف التاني يتخت في وضع محرج.

مثلاً:

داير تدي زول قروش لحساب بينكم؛ هو قد يخجل يعدّها قدامك، بادر انت وقول ليهو كدي عِد القروش دي لأني ما متأكد منها، كدا حيحس بالراحة و حيعد مطّمن..

عملت موقف معين شريكك العاطفي ممكن يفهمه غلط، وفّر عليه عناء السؤال واشرح الموقف إنت..

يعني مثلاً مشيت تتكلم بالتلفون بعيد من مرتك لسبب معين فقبل تتعبها بالشك والتفكير في انك بتخونها طوالي تعال وريها اتكلمت مع منو وليه.

صديقك شافك في موضع حق شبهة تعال وضّح ليهو إنه كان قصدك كدا وكدا..

ما تساعد الناس على الظن السيء فيك ولا تحمّل أحبابك العبء دا.

#إحسان


15/ احترم خصوصيات الناس.

زول ما ورّاك بمعلومة تخصه ما تمشي تفتّش وتنقّر وراها..

ما تفتّش في مقتنيات زول سواء شنطة أو دولاب أو غيرها بدون إذنه..

ما تستخدم تلفون زول أو لابتوبه بدون إذنه..

ما تعاين في رسايل ولا صور زول بدون إذنه..

(من نظر في كتاب أخيه بغير إذنه فإنما ينظر في النار).. كما ورد في الحديث الشريف و كتاب بمعنى رسالة وحالياً بتعني رسالة،تلفون أو أي شي خصوصي..

حتى في المواصلات ما تعاين لي جارك في تلفونه.

احترم رغبة الناس في كتم أسرارهم وما يخصهم ولا تسأل حتى عن أسباب..

حاجة سيدها ما أذن ليك تستخدمها ما تستخدمها.

#احترام


وصلات ومراجع

مجلوبة من "https://sudan.abdallagafar.com/index.php?title=قواعد_الذوق_الأربعون&oldid=203"