«مستخدم:عبد الله جعفر/أشعار غير مضنّفة»: الفرق بين المراجعتين

يا زميل خلّيك bright ضرِّبا واحسبها right أبقى أونلاين وعاين صفحتين من كلّ site راجع إيميليك وتابع واقرا مسجاتك وwrite وادخل الفيسبوك وواصل كل صحابك، day وnight وافتح الويكيبيديا واقرا وامشي لتويتر try it كلّو ما بكلّف معاكا وما بفوت كم megabyte جبنا ليك باقات جديدة ودي الخيارات left to right: باقة للـtablet، "سمينة،" باقة iPhone، باقة "diet" نت browsing وstreaming من موبايلك حاجة light نت سوداني، حاجة تاني نت سريع جدّا، quite حاجة ساهلة وجد مريحة والتكايف لسّة tight أبقى أونلاين حبابك واشترك حالا tonight

سفرك بكرة قالوا ودموعك قالوا سالوا وين دقلو وعيالو؟ واردول واردلالو؟

. يا ناااس . . إنننتو . . مااالكم . . وماالوووو .

بوتين ما بِحِلّك خلّيك في محِلّك بِنْمُرْقك نسلّك وحنبلّك نبلّك

عبّيت الجرادل من كلّ الدلادل تومهجوهات أرادل وبيناتن تبادل

غاب الدهب فضل الزبد ظهر الزمانك كان لبد شاف الحراك خفّ وهبد راح رامي سنّارتو وجبد وانا عَظَمَة قال لي يا عُبَد ما تستريح رغم الكبد الثورة تفضل للأبد!

يوما كان لطيف في لمّة الكوتشينة واللعب النضيف، تب ما حصل غشّينا والضرب المخيف البيهو إتفشّينا والبوش الظريف البيهو إتعشّينا والديس السخيف والتمضيات الشينة ! ♠️♥️♣️♦️ ! معتز من بدت شغّال معاي جِرَّيب "الشيريا بتجيبك"، هه 😏 حليل الجَيب بتجيب الكلس 💪🏼، الـ للرجال فرنيب؟ جاييك الجَلِد، لامن تقول الروب و"الصقر ان وقع، كتر البتابت عيب" ! ♣️ ♣️ ♣️ ♣️ ! مالك يا الرشيد، كالعادة سارح سرحة طاير بي باليكا، وبي نفس منشرحة ما شايف التَرَس 3️⃣ شُتناو في أوَّل فتحة تاكل الدامة بس لامن تجيبلك قُرحة حاجِلْدك جلد زي الملح في الجرحة ! ♥️ ♥️ ♥️ ♥️ ! ود عبد العزيز لعب العوارة الجد النوع البقول خلّي الرهيف انقد كان جاك باليمين بوصل معاك الحد عِلّا الحد دا وين؟ ألعب بعيد يا ود حدّك تنجلد بي دامة الأسود ! ♠️ ♠️ ♠️ ♠️ ! قاسم منفعل يا زول وتصريح ناري بس ما عندو حاجة، طلع إشاعة أتاري صاحبك كان مسك، أشتر، بشوت ضفّاري "مِثكين" بِنْجَلِد في أربعة ديناري مضّاهُ الرشيد، واخجلتي، واناري ! ♦️ ♦️ ♦️ ♦️ ! مرحب بيكَ فادي، الليلة جيت بي جاي 😏؟ مرحب بالشعارات 📢 والكلام الساي الحدّاث زمان قالولنا مو سوّاي مضّيتك قبل كدا أوعى من الجاي جاييك الجلد، الليلة بس "قول واي" 🏃🏽 ! ♠️♥️♣️♦️ ! عبد الله الصعب 💪🏽، دا الوازن التربَيزة بجلد من طرف، ما عندو ليك فِرَّيزة تدّي الديس كعب، بيجيكَ راجع موزة والجاو بالشمال، أعصابو باظت بوظة دا الجالونو فُل، والناس تموت بي غيظا

+++ترقيم يا رحمن ارحم بي جودك دلّي الغيث ينزل في بلودك

نار الثورة تلهلب حيّة واذّانا بينده قال حيَّ المجلس تب قال احّيّا وقرّبنا نجيب راس الحيّة

اتحرّكوا يا عيال ديسمبر سوق وكنيسة ونادي ومنبر البرهان بالحيل اتجبّر وامرو بايدكم مقضي مدبّر

شي لله يا ناس الطايف يا الما فيكم زولاً خايف سيّروا موكب هادر طايف وانقلوا لينا الموكب لايف

ايدكم يا اهلنا الشمباتة بأراضيها وبي جنباتا قوموا خفاف بي جزم الباتا لي دقلو اللامّي الهمباتة

يا الموردة يا العبّاسيّة يا الشلتو الجولة الماسيّة سوولنا لدقلو حساسيّة يتحيحي زي عبّاسيّة

يا برّي أسودا وأشبالا يا الما بطلع زول قبّالا البرهان سوّاها هبالة جيبو مكتّف وارمو زبالة

يا العرضة وبانت وابعنجة أسياد الفن عود وكمنجة وأسياد الشفتنة والغنجة البرهان أدوهُ بلنجة

شي لله يا ناس الصافية يا الفي التأسيس ايدكم وافية سيّروا لينا مسيرةً شافية للبرهان اللمّ المافية

شي لله يا ناس الشجرة والحمداب يا سم الكجرة الغضبة اللتكم والضجرة لعيال دقلو وكلّ الفجرة

مد ايدك يا سيد الطيّب يا الصفحتو قط ما بتخيّب سن قلمك خلّيهو قريّب قول جيتكم تب، حاضر، طيّب

! قصيدة من العدم ! +++ترقيم ! (ء) شئت أن أكتب شعراً فانتهى بي الأمر، ءال، أن أمرّ بكلّ حرفٍ مفرداً من قبل ءال معملاً آلات فكري حاشداً للفكر ءال صانعاً للحرف أهلا وجميع الحرف ءال ! (ب) جاء حرف الباء سهلاً خاطراً قد دقّ بال من قديم فهو، بالٍٍ وهو عند الوقف "بال" ! (ت) ثمّ بعد الباء تاءٌ سابقٌ يتلوه تال أو لمن يقرأ نصّا من كتابٍ فهو تال ! (ث) ثمَّ تأتي ثمَّ ثاءٌ لم نجد فيها مثال ! (ج) ثمّ جيمٌ فيه بحثٌ شاحذٌ للذهن جال من حواليه معان طاف فيها العقل جال ! (ح) ثمّ حاءٌ جاء حالاً فهي عند الوقف "حال" وهو دوما إن سألنا حاضرٌ في كلّ حال وهو في كلّ مكان لو بحثنا فهو حال وهو إن عزّ القوافي ورجونا الحلّ حال ربّما فيه مزيدٌ دونه النسيان حال ! (خ) وقليل الحظّ يخطي فيظنّ الخاء خال خالهُ دون القوافي خاله ---لله--- خال بيد أنّ الحرف زاهٍ فيه كلّ الحسن خال بـ"أخي" يكفيه فخراً وأخي أمّيَ، "خال" ! (د) ثمّ من دون عناء فاسم حرف الدال "دال" لم يعزنا لدليل فاسمه للنطق دال ! (ذ) وكذا التالي ذليلٌ كان بعد الدال "ذال" إنّما الدنيا "ذلولا" فلتكن للحرف ذال ! (ر) وكما الثاء عجزنا أن نرى في القول "رال" ! (ز) بعده زايٌ عزيزٌ فيه كلّ الهمّ زال وبه "ما زال" أيضا فهي من "ما" ثمّ "زال" ! (س) ثمّ سينٌ سلسبيلٌ ساحرٌ في النطق سال سلسٌ في اللين سهلٌ ولسيف البأس سال ! (ش) ويجيء الشين شقّا مرهقاً للذهن شال لست أدري هل فصيحٌ قولنا للثوب "شال"؟ ومن العامّيّ أيضا قولنا للأخذ "شال" وكذا للحَمل قلنا حَمَل الأشياء "شال" ! (ص) ثم جاء الصاد صعباً جال في الأفكار صال فيه صبرٌ فيه صبٌّ في جحيم الصدّ صال صالةٌ العشّاق هذي جمعها إن شئت "صال" ! (ض) وضلال الضاد يهدي فضليل الضاد "ضال" ! (ط) طبت يا طاء فجودي طال بي التفكير طال وإذا الأطياف طالت طالهنّ الفنّ طال ! (ظ) وتظنّ الظاء ---ظلماً--- مظلماً، والظاء ظال ! (ع) وبحرف العين يحلو كلّ ما قد كان عال وبها أيضاً عليلٌ بالجوى فالحبّ عال حضرتني "عائلاتٌ" أصلها من فعل "عال" ! (غ) وإذا رأسي بحرف الـ ـغين يغلي، فهو غال وإذا بالغين يغلو في دلالٍ، فهو غال ! (ف) وإذا بالفاء لطفٌ، كيف لا؟ يكفيه "فال" وبه عنفٌ وعصفٌ للحديد الصلب فال ! (ق) ويقول القاف قولا: مهلكم؟ فالقول "قال" قد قضى حقّا، يقيناً رغماً عن كلّ قال وبها لفظ "القوافي" فكثير المدح قال غير أنّ الحرف قاسٍ حارقٌ ---لله--- قال ! (ك) ويجيء الكاف كافٍ كاملاً للكيل كال ! (ل) لا لحرف اللام .. مهلاً: "لا لـِ" حرف اللام "لال" ! (م) ولحرف الميم فضل سابغٌ، يكفيه "مال" ماله أضحى عزيزاً صدّ عن شعري ومال؟ مال لذهني ليس يحوي مفردات منه مال؟ غير أنّ أخرجت منه "مالئاً"، والرفع "مال" ! (ن) وبحرف النون قلبي نال ما يرجوه نال ! (هـ) فقوافي الهاء هالت وجمال الهاء هال أحرفٌ تترا توالت كبدورٍ بين هال (و) بعدهنّ الواو والت مرحباً بالواو وال ! (ي) وبحرف الباء عقلي لم كثيرَ الجهد يال حالف التوفيق جهدي يالي المحظوظ يال ! عبد الله جعفر ! ! ٢٨ مارس ٢٠٢٤ !

+++ ترقيم ! (ء) كنت بحلم بالسعادة واستجاب ربّي لسؤالي وجادت الأيام علي بي درّة من أغلى اللآلي ما بكفّي أقول صديقة وما كفاها أقول هي آلي هيّ "روحي البحيا بيها" ودونا إنسان إلّا آلي

! (ب) كنت من قبلك مشرّد كنت ضايع كنت بالي "لا بضوق في الدنيا متعة" "لا بشيل هم" لا ببالي وابتدت قصّة حياتي .. لمّا بان شخصك قُبالي قصّة ما أحلاها قصّة وصدفة ما كانت ببالي

! (ت) في "مسيد ريدك" سلكتَ زي حوار لي شيخو تالي وبي دواك شرّفت لوحي وحافِظن أورادي تالي إنت يا قطب الطريق الما بفتّش ليه تالي وانت يا غوث المعاني الكاسا داير في تتالي

! (ث) البشوف الكُنتو قبلك قلبو يمكن كان رثالي دون إرادة زول مثيلك لم يكن يوما مثالي بيك بشوف ذاتي وبفكّر كيف أكون عندك مثالي فيك "كلّ الخير" تمثّل،، فيني ليو كلّ امتثالي

! (ج) الخيال مفتاحه عندك والنظم طبعاً مجالي بيك ياما زنت شعري من موّلف وارتجالي دون سجال "منّو وعشاري" منّي لي بيك كان سجالي ومنّك استوحيت رواية والحوار ناغمتو جالي

! (ح) كنت عاد وحلان وحالاً كت وحيد عايش لحالي والتوحّد وطيفو حالن إلّا طيفك جا وحى لي ربّنا يكافيك حالاً قدر ما غيّرتِ حالي وربّي يقسم ليك حالاً متلي بيكْ، ميسور وحالي

! (س) كم تبادلنا الرسايل لا بتملّي ولاني سالي يوم أكون "عبد الله جعفر" يوم اكون "تاو" وانتِ "سالي" باقة من أسمى المعاني وسلوى من أحلى التسالي كم تعلّمت برسايلك كيف اكون انسان رسالي

! (ص) كنت في "كوكب فضائي" وأريلك لقط اتّصالي لولا عطفك واهتمامك كان فضلت ف ناري صالي كنتِ أمّي الاحتوتني وهذّبت طبعي وخصالي وكنت طفلك رغم شيبي وما بدور منّك فصالي

! (ع) بالفضول مرّات اقرّب يوم أجي أقول ليك تعالي "النسعلك"، تدّيها ضحكة، وانسى، تسألي، من "سُعالي" انت كيف بلقاك جنبي وإنت قدرك سامي عالي؟ من سماك بتزوري أرضي وجد تواضعك ما افتعالي

! (غ) قولي ما بِوْفيكِ حقّك مهما أكتب فيك واغالي ما حصل حسّيت بأنّك عندك البحتاجو غالي وما حصل لمتيني مرّة يوم أقصّر في انشغالي عارفة ما بنساك بكون بس مخي بي أفكارو غالي

! (ف) ياما قبلك كنت جافل إلا بعدك كيف جفالي؟ وكنت إنسان انطوائي وجيتِ فكّيتِ انقفالي بسمتك بتضوي عمري وفرحتك عزّ احتفالي وكيف أخاف ما دمت جنبك؟ وكيف أدبرس وانت فالي؟

! (ك) "بعرِفِك قُبّال أعرفك" حلمي بيك قبلك حكالي عن أمل ح يضوّي دربي وعن سند فيه اتّكالي كنت شايف فيكِ مأوى من عذاباتي ونكالي واصلو فيك ما خاب رجايا ومهما كِلْتَ يتم مكالي

! (ل) لو تحبّي تعرفي قيمتك شوفي نفسك من خلالي بي حلولك عيدي هلّ وبي ظهورك بان هلالي وبيك كم بانت كواكب في سماي وانجم تلالي وانت لي "نجمة شمالي" وليّ من دونك ضلالي

! (م) من جمال روحك نهلت ومن شرابك دنّي مالي "قلبي بيك عبّيتو كلّو وما فضل لي فيه" مالي انتِ زادي وانت شربي وانت دخري وكلّ مالي وما ببدّل بيكِ عاد "يا ناس أموت، بنساكِ مالي"؟

! (و) "في غدوّي، في رواحي"، في صباحاتي وزوالي بطرى أفضالك عليّ وبدعو ليك واشكر واوالي ربّنا يزيدك ويبارك ليكِ يا أغلى الغوالي وربّي ما يحرمني منّك وابقى ليك "مولى وموالي"

! (ي) ربّنا ينوّر طريقك كلّو يا نور الليالي نعمة "كانت" في حياتي وجنّة لاحت لي حِيالي كنت بحلم بيها إلّا الشفتو أبعد من خيالي يالكِ الفردوس يالَك ياليَ المحظوظ يالي

+++ ترقيم بين أمانيني ومخاوفك نعرف السكّة ونروح بين أمل واعد بنادي وماضي مثخن بالجروح بشريات في الأفق لاحت وذكريات ما دار تروح صوت بيهتف لينا: حاولوا وصوت يقول: يا عمِّ روح قلب بتحدّي المصاعب وعقل مستنّي الشروح روح تفتّش ليها مأوى ووعي كايس ليه روح خوفي من يوم تلقي روحك حاضنة روحي ومافي روح!

+++ ترقيم يا القضيت العمر صابر واصلو يوم ما قلت أي كم ح تبكيك الأزاهر والشتول الدايرة ري والشباب الراجي نصحك دابو شبّ وعودو نَي يا الحنين الفاض محبّة ويا الرشاد الخاتي غَي صفحتك باقية ف حياتنا واصلو ما ح يطولا طي كُت بحس آلامي فيكَ وكنت دايما حاسّي بي يوم اضيق بلقاكَ جنبي واصلو ما بتخلّي شَي كنت بلسم لي جروحنا وكنت مرشد لينا ضي حي علينا وآه بكينا والله لينا وووب ووي ليه بتفدينا بحياتك وانت أفيد لينا حي؟

+++ ترقيم حتّى لو فكّر يسيبك؛؛ يعني بس ح تسيب حبيبك؟ لو جفاك قال ليك شتِّت الحنين بكرة بيجيبك وان نساك قال ليك أنسى يقدر ينسى 😏؟ ياخي سيبك وان أذاك جاب ليك عاهة بكرة برجعلك طبيبك حتّى لو بان ليك قاسي برضك اتحمّل نصيبك أبقى راكز وابقى صابر وليصيبك ما يصيبك والصبر لو برضو قاسي بكية مرّات ما بتعيبك أصلو ما تفكّر تسيبو حتّى لو طلّع صليبك

+++ ترقيم ياريت تحكوا لي عنّي عساي أقدر أكون تاني أنا الجد رُحتَ من روحي بقيت ما قادر ألقاني وَلَاْني الكنت بحلم بيو ولا الكُنتو، ولا ياني ولابقيت أعرف الأفراح ولا بتذكّر أحزاني ولا عارف حدود دنياي ولا مستوعب إمكاني ولا قادر ألاقيهم ولا لاقينّي حبّاني ولا عارفينّي هل عايش ولا عارفينّي كيف فاني ولا عارِفني عايش وين مُشَرَّد برّة أوطاني ولا دارا أقول بيتي ولا بين أسرة ترعاني بقيت ما لاقي وجداني وتعذّر تاني وجداني بعيد في عـُزلة تملاني وحيد في الدنيا وحداني عزاي في ناس بتطراني وكت ما الدنيا تنساني

+++ ترقيم عملتا طلب صداقة زمان وراجيك تعمل acceptance مسحتو وعدتو كم مرّة بكل إصرار و insistence وعاوزك ياخي تعرفني وبحاول، كلّي persistence ولو ما بترضى بيّ صديق كفاي ان شا الله acquaintance وأخش مخصوص عشان ألقاك بلاك ما عندي existence واشرّك ليك في البوستات وأأشّر ليك من distance وأفتّش ليك تعليقات والايك ليك بالـ sentence واصلّح في الكلام واكتب عساك بس تلقى فيو substance وأقول تدّيني بس لايك بتعمل ليّ subsistence {}{واتفاعل وأكون آكتيڤ}{} والاقيك انتا passive tense ولو تعرفني كيف شاريك وكيف إحساسي بيك intense ولو تعرفني كيف راجيك زي المستنّي death sentence