«محمود الجيلي صلاح الدين/الشمس لازم تجي»: الفرق بين المراجعتين
| سطر ٢٩: | سطر ٢٩: | ||
{{بيت|قاموا بالسلمية يهتفوا|ضد سلاح الأمنجي|250}} | {{بيت|قاموا بالسلمية يهتفوا|ضد سلاح الأمنجي|250}} | ||
| − | + | == وصلات ومراجع == | |
| + | * [https://www.facebook.com/62718447733/posts/10156506976162734 النص على صفحة الشاعر في فيسبوك] | ||
[[تصنيف:أشعار الثورة]] | [[تصنيف:أشعار الثورة]] | ||
[[تصنيف:أغاني الثورة]] | [[تصنيف:أغاني الثورة]] | ||
المراجعة الحالية بتاريخ ١٩:٢٩، ٣٠ ديسمبر ٢٠٢٠
أغنية ثوريّة من كلمات محمود الجيلي صلاح الدين وأداء شبكة.
النص
الشمس لازم تجي
لي الشباب الثورجي
قاموا بالسلمية يهتفوا
ضد سلاح الأمنجي
الشمس لازم تجينا
و بكرة تنزاح الضُلمّة
و هسه طالعة على الشوارع
أمّة بتعيد مجد أمّة
لا بتخاف نار البنادق
لا العساكر لا هلمّ
يا أبوي سودانا نادى
يلا زغردي لينا يمّة
الشمس لازم تجي
لي الشباب الثورجي
قاموا بالسلمية يهتفوا
ضد سلاح الأمنجي
ثورة قامت بي شبابا
و صحّت الوطن الشوارع
البنيات بي هتافن
وقفّن نار المدافع
و الوليدات البهزوا
جابوا عز سودانا راجع
بكرة ماضي بلدنا يرحل
و يبقوا هم فعلو المضارع
الشمس لازم تجي
لي الشباب الثورجي
قاموا بالسلمية يهتفوا
ضد سلاح الأمنجي
كم شهيد علشانو ضحّى
و كم عيون راحت فداهو
و كم جريحاً صوتو بحّ
والوطن ردد صداهو
شعب يصدح بالعدالة
و صوتو أطول من مداهو
كل شارع في بلدنا
لما نادى أجاب نداهو
الشمس لازم تجي
لي الشباب الثورجي
قاموا بالسلمية يهتفوا
ضد سلاح الأمنجي