«مستخدم:عبد الله جعفر/مروة الجميلة»: الفرق بين المراجعتين

مراجعة ٢٠:٣٠، ٣٠ أبريل ٢٠٢٢ (اعرض المصدر) عبد الله جعفر (نقاش | مساهمات) → التعديل السابق		مراجعة ٠٧:٣٤، ١ مايو ٢٠٢٢ (اعرض المصدر) عبد الله جعفر (نقاش | مساهمات) (←‏2021-02-21) التعديل اللاحق ←
سطر ٣٠٣:		سطر ٣٠٣:
	::وهناك روحٌ تنتعشْ		::وهناك روحٌ تنتعشْ
	::بلغت سماوات الكمال		::بلغت سماوات الكمال
		+
		+
		+	== 2021-03-20 ==
		+
		+	[https://www.facebook.com/permalink.php?story_fbid=925755728197798&id=269345313838846] [[مروة بابكر|مروة]]:
		+
		+	::صباح درويش
		+	::صباح نبداهو بالتفتيش
		+	::صباح الأدوية القاطعة
		+	::وصباح العيش
		+	::صباح انبوبة معدومة
		+	::وطرق محفورة مردومة
		+	::وصباح الكهرباء المافيش !
		+	::بلد في الثروة هو الأول
		+	::وفي التنفيذ ترانا الطيش 😔
		+
		+
		+	[https://www.facebook.com/abdalla.gafar.3/posts/10164990626955707] [[عبد الله جعفر|عبد الله]]:
		+
		+	::صباح الخير ..
		+	::على الناس المصرّة تعيش!
		+	::صباح البسمة
		+	::بتضوّي
		+	::ف سنون وعيون صبي الورنيش
		+	::صباح بنّوتة بتغازل
		+	::مراهق زادو عاطفة تجيش،،
		+	::وتقبل منّو حنكو البيش
		+	::بلد بي ناسو هو الأوّل
		+	::بيهدروا خيرو في التجييش!
	== 2021-03-22 ==		== 2021-03-22 ==

---

مراجعة ٠٧:٣٤، ١ مايو ٢٠٢٢

مروة بابكر، أو مروة الجميلة، كما يحلو لي تسميتها، شاعرة معروفة، لمع نجمها في ثورة ديسمبر، تنشر أشعارها في صفحة تديرها على فيسبوك، عنوانها بقايا قصيدة. في بدايات العام 2021 نشطتُ في مجاراة بعض ما تنشره، وهي مجاراة من جانب واحد، على صفحتي الخاصّة، وأحيانا في تعليقات على صفحتها. في هذه الصفحة تجميع لما كتبته في مجاراتها، وبعض المداخلات، مع وصلات للمنشورات الأصليّة.

2021-01-21

[١] مروة، مع صورة بالتوب:

انا في عيونك ياما دُبتَ

وتُهتَ في دربك سنينْ ..

رغم الجراح والامنيات

والآهة والحزن الدفينْ ..

غنيت حروفك امنيات

غنتني اشواقك حنينْ ..

وعشقت فيك نبضة هواك

والطيبة والقلب العطوفْ ..

ياريتها ما كانت ظروفْ ..

[٢] عبد الله:

أنا في دروبك ياما تهت

وفي عيونك دبت دوب

ليك المنى وليّ الجراح

وان قلتي آه أنا قلت ووب

ياريتا ما كانت ظروف

لكنّي لسّع عندي هوب

في نظرة واحدة وفي ابتسامة

من البنيّة اللابسة توب

---

[٣] الفانوب:

دكتورنا العظيم جاب القوافي طروبة

وزّان للحروف كلماته فيها عذوبة

تستاهل مريوة دكتورة جد لهلوبة

كلماتها السيوف نلقاها وكت الحوبة

---

[٤] سولا:

هوووي رجع يا هَكَر الحساب لاسيادو

لعبدالله القبيل في مسدارو قال لاولادو

ما تبين الخفيف المستميت في رقادو

وفي مسدار الحنك رصّٙا النُصح وأجادو

[٥]

كر علي الجاهو شنو،وكيف، وشن أسبابو

شوفولو دكتور خبير خلوهو يتوصابو

يكتبلو من ادوية الطب و بعض أعشابو

عساهو يتعافى و يطيب ويعود لصوابو 😛

(صورة عليها: بسم الله ارقيك‎)

[٦] عبد الله:

من لعنة كيوبيد ناشنا بي نشّابو

بي شوفة ملاك ما شفنا عيباً شابو

كسّر باب قلِبنا وعُنوةً خشّابو

خلّى العقل ودّر والحواجب شابو

تواصلت الردود في بوست منفصل؛

[٧] فخر الدين:

حكى لونو الأديم الفرهدت أعشابو

ردَّ الروح حديس لهجو البنتراشابو

لو شفتو البسيم الفي الوجوه بشابو

لعذرتو الطريف الفي الفؤاد تشّابو

[٨]

لوع قلبي شوقاً في حشاي حشابو

وموعني السماح شال العقُل طشّابو

يا الحبك سكن في الجوف غرس نشابو

وصِّف لي الكتيل كان شيخو كان عشّابو

---

[٩] محمّد البدوي:

عبدالله الهمام الليلة جابلو هبوب

وقت شاف الجمال فرفر وقال الروب

دكتورة ال neuro الفيها خايل التوب

جرّست الشباب خلت عيونها قلوب 😍

2021-01-29

[١٠] مروة:

ديـنَك ياوطني علَي

نبنيكَ منافذ ضي

قدر العديل والزينْ ..

قدر الهتاف الحي

من مقرن النيلينْ ..

[١١] عبد الله:

أوفيتي يا مروة

واحنا العلينا الدَين

يا الـ للوطن ثروة

يا السمحة خاتية الشين

يا الفي الخُلُق ذروة

وفي الخِلقة مافي اتنين

دار نبقى ليك ضروة

خايفين عليك العين

[١٢] فخر الدين:

دينك سدادو علي

دين الوطن طالع

كل يوم يزيد مليار

وأهو لسه بنقالع

في العسكري المأفون

والفاسد البالع

وكل ما يخونا صفيق

بنقول دا سو طالع

يا مروة يا سكر

نورك دوام شالع

لا نور ولا سكر

والسوق صبح والع

وكل النقول موسى

في الإحتيال ضالع

والشعب صار مُقعَد

والفيهو روح ضالع

لي متين صبرنا يطول

والحال حجر فالع

واتساوو في الخازوق

مخلوعنا والخالع

[١٣] أمنية:

كل ما الخيبات تتمدد

و أصوات احباط تتردد

أحلام و عهود تتجدد

و كتير ثغرات تتسدد

ما حانبنيهو في يوم

ده خرابا كان بالكوم

لسسه الراجينا كتير

يختانا جميع اللوم

الضاقت و وصلت حد

اخر زرار في العد

تفرج باذن الله

و باكرنا يوم السعد

2021-02-07

[١٤] مروة:

يا قلِـبْ ...

وِدِرتَ في دنـيا الغـرامْ

وبكيتْ جراحاتكْ هناكْ

كمَّلتَ دمعاتَ الحزانى

وجيتني بتفتِّش دواكْ

ياقلبي مابين الضلوعْ

ما ستّف الآهاتْ سواكْ

[١٥] عبد الله:

يا مروة وين قلبك وِدِر

وانا قلبي هايم في هواك

فتّشت ليك داير دوايَ

وانتِ في أبعد نواك

ضاقت ضلوعي على القلب

يا ريتو قلبي الما احتواك

[١٦] أبوبكر فضل السيد:

يامروه وين بالك سرح

وانا قلبي مستني الفرح

برجاك مستنيك سنين

باللوعه والشوق والحنين

---

[١٧] محمّد ميرغني:

يا عبد الله أخوي بطّل رقادك خلّو

ما تعاف لي نصيحتي وقولي تب أذعنلو

رغم انه البنية جمالا تام بي كلو

بتقول للقمر إذنك.. وتمشي محلّو

[١٨] أمنية لمحمّد:

غايتو الليلة شفنا القص حقيقة و لايف

و عبدالله اتشلب مادايرة ليها حلايف

بعد هذا الرقاد و سمعنا يوم جيت زاحف

خبر الشلبة فات ريحة الورد في الطايف

ما عجبنا ليك 😁

[١٩] محمّد ميرغني:

عبد الله العظيم حاشاهو من الشلبة

لا خان للعهود لا يوم بلع لي حبة

مخلص في الوداد حنّاك ولين جمبة

ما بشلبوه حرّم إلا تحكي الكلبة

[٢٠] عبد الله:

يا محمّد دحين سيب العيون تتملّا

واسمع من حديثا الاصلو ما بتملّ

ما تسمع كلام الناس دي، مالنا وملّا؟

ارقد للجمال، خلّي العذول يتملَّ

[٢١] أمنية لمحمّد:

مفروض البيقص شخصيتو تبقي قوية

ويقالع عدييييل في شان عيون عسلية

ما يشرك ويحاحي وسككه ما دغرية

يطلع حنكو حبة والشلبة ذاتا هي نية

اركز ساي 😂

[٢٢] محمّد ميرغني لعبد الله:

راقدين يا أصيل وحياته رب العزة

من عصراً قديم لمن جسمنا اتنزا

كملنا الرقاد في شان مريوة المزة

لا شفنا ارتباط لا حتى لايكاً شذّا 😂

[٢٥] عبد الله:

لا محمّد دا تب ما منّو خوف، انا شايف

آ مَنّو الاصم، انا مِنّو عاد ما خايف

القص والشلب ديل للشباب الهايف

احنا مكانّا راسخ في القلب ما زايف

[٢٦] أمنية، في رد على عزّة:

لمن جينا نرقد طلعونا عساكر 😏

واتكرشنا قام حرجونا احراج سافر

لازم ننتقم والانتقام جد كافر

حنطلع عقدنا علي الرقد والناكر ⁦🙋🏽‍♀️⁩⁦🙋🏽‍♀️⁩

2021-02-16

[٢٧] مروة:

ليست انا من تبتغي

قلبي سجينُ الخوفِ

اوهامي قيودٌ من حديدْ ...

مازلتُ احبسُ دمعتي

مازلتُ اكتمُ صرختي

واعاندُ الجرحَ العنيدْ ...

ما زلتُ لا اهوى

فمنذُ فراقِهِ

مات الحنينُ بأضلعي

فتحجرتْ رئتايَ وانشقَّ الوريدْ!

[٢٨] عبد الله:

لا تحزني

فالحلم آت من بعيد

والقلب بعد قيوده

سيعانق الحُبّ الجديد

وستضحك الأيّام

فرحى

تفتح الأزهار

في قلبٍ سعيد!

2021-02-21

[٢٩] مروة:

وهنا يساورني سؤال

عن فؤادٍ حالمٍ

عن بقايا من خيالْ

وعن حبيبٍ لم يَـعِشْ

الا بأرضِ الاحتمالْ

[٣٠] عبد الله:

وهناك شوقٌ.. واحتمال

وهناك قلبٌ هائمٌ

يحدو به نجم الشمال

وهناك روحٌ تنتعشْ

بلغت سماوات الكمال

2021-03-20

[٣١] مروة:

صباح درويش

صباح نبداهو بالتفتيش

صباح الأدوية القاطعة

وصباح العيش

صباح انبوبة معدومة

وطرق محفورة مردومة

وصباح الكهرباء المافيش !

بلد في الثروة هو الأول

وفي التنفيذ ترانا الطيش 😔

[٣٢] عبد الله:

صباح الخير ..

على الناس المصرّة تعيش!

صباح البسمة

بتضوّي

ف سنون وعيون صبي الورنيش

صباح بنّوتة بتغازل

مراهق زادو عاطفة تجيش،،

وتقبل منّو حنكو البيش

بلد بي ناسو هو الأوّل

بيهدروا خيرو في التجييش!

2021-03-22

كتبت مروة هذا الصباح [٣٣]:

قلبَك خصيم الريح

قالتله كلمة حقْ

ممنوع سقاية الريد

لا تروى لا تعشقْ

فاضت سيول همَّك

صدر الأماني شَهَقْ

نَـفَسَ الحلِم نَـفَسَـك

نَـفَـسَ الحبيبة غَرَقْ

فكّرت أجاريها، كما اعتدت مؤخّراً؛ أها وانا لسّة بفكّر أخش بياتو باب، إذا بواحد شليق كدا، ألقاه منشنّي، وكتب:

"منتظرين الشاعر السوداني الأستاذ Abdalla Gafar لمجاراة ما خطه يراعك يا أستاذة مروة 😌"

- أيواااا؛

قلت ليه؛

- سَمِح؛ أرجاني بجيّهك 😎!

لقيتها فرصة نطلع حبّة من المود الرومانسي، وننوّع؛ فكتبت ..

شايف لسانك طال

يا اخونا داير الدق

الزول دقس بالحيل

واتشالق اتدردق

وانا سمّي فاير جد

والقافية دق دق دق

جاتني الحروف تجري

قدّامي دق دق دق

امّن مزاجي ارتاح

بالله ما صدّق

ارقد عشان ما تموت

يا شيخنا واتخندق

واستحمل الجاييك

خازوق ركب واندق

تتبلّ بلّ العيش

بعديها تتفندق