«مستخدم:عبد الله جعفر/الزينة الرزينة»: الفرق بين المراجعتين

مراجعة ٠٨:١٢، ٢٨ مارس ٢٠٢١ (اعرض المصدر) Abdalla (نقاش | مساهمات) → التعديل السابق		مراجعة ٠٨:٣٩، ٢٨ مارس ٢٠٢١ (اعرض المصدر) Abdalla (نقاش | مساهمات) (←‏2021-03-28) التعديل اللاحق ←
سطر ٢٢١:		سطر ٢٢١:
	{{بيت|خدّي بالدموع انبلبلن بلبيل|والشوق والحنين الهدّ حيلي قبيل|350}}		{{بيت|خدّي بالدموع انبلبلن بلبيل|والشوق والحنين الهدّ حيلي قبيل|350}}
	{{بيت|تاورني ورجع، وين منّك القِبّيل؟|يا نبع السلام الحيّرت نوبيل|350|!}}		{{بيت|تاورني ورجع، وين منّك القِبّيل؟|يا نبع السلام الحيّرت نوبيل|350|!}}
		+
		+	عزّة:
		+	{{مربّع
		+	|يازينة البنات يالسمحة ما زي ديل
		+	|نزلت بحر هواك وغرقت فيه بالحيل
		+	|بالريد والغرام نوم عيني باقي قليل
		+	|اصبح عقلي خالي وجسمي بالي نحيل
		+	}}
		+
		+	{{فاصل}}
		+
		+	[https://www.facebook.com/abdalla.gafar.3/posts/10165023751665707?comment_id=10165024493040707] علي:
		+	{{مربّع
		+	|الزينة الرزينة الما اتلقالك تاني
		+	|ريدك فيني بان وبيهو اتعرف عنواني
		+	|الظاهر قليل والريد صحي (الجواني)
		+	|يا الريدك تميمتي وسبحتي وقرآني
		+	}}
		+
		+	[https://www.facebook.com/abdalla.gafar.3/posts/10165023751665707?comment_id=10165024493040707&reply_comment_id=10165024890495707] [[عبد الله جعفر|عبد الله]]:
		+	{{بيت|الزينة الرزينة الزنت بيك ديواني|بنظم فيك واقول يا الغالية ما متواني|350}}
		+	{{بيت|في نصّ البلد بنشد وادق صيواني|لا خايف عذول لا شلت هم شوّاني|350| 😌😎😹}}

---

مراجعة ٠٨:٣٩، ٢٨ مارس ٢٠٢١

"الزينة الرزينة" اسم أكنّي به عن شخصيّة ملهمة بالنسبة لي، أوحت لي بمئات الأبيات من الشعر، نشرتها على صفحتي في فيسبوك، ودارت حولها مساجلات طويلة، أعرضها في هذه الصفحة، مع التواريخ والوصلات للبوستات الأصليّة. أحاول قدر الإمكان نسخ كلّ الأبيات، مع الاسم الأوّل لقائل كلّ مداخلة، ويمكن الرجوع للبوستات الأصليّة لمعرفة الشخصيّات المتداخلة.

الزينة الرزينة شخصيّة حقيقيّة، وقد يأتي يومٌ للإفصاح عن اسمها؛ أمّا هذا اللقب فسببه المربّع الذي فتح الباب لجولات المساجلات.

2020-12-08

[١] عبد الله:

---

[٢] أمنية:

أكيد حاقاهو شكرك و مستحقة كلامك

و حتما هي ذوق شان حركت اقلامك

تحرك يا كيوبيد و ارمي لينا سهامك

بعد اللطف و الذكا نشهد عليهو هيامك

[٣] عبد الله:

البيناتنا أكبر من كيوبيد وسهمو

واعظم من خيال البالجمال بتوهموا

وابعد من منال البالغرام بتّهموا

واعمق من طلاسم مستحيل يتفهموا

2021-03-15

[٤] عبد الله:

على حبّي الكبير آالزينة ما تعترضي

فارضا علي فَرِض، يا الغالية، دون تفترضي

ريدتي وروعتك بينن تناسب طردي

ربّنا يحفظك ويدّيكِ لامن ترضي

---

[٥] حسبو:

عشمنا كبير بأنك تعذرينا وترضي

عاشقك ضاربا سلكين ما معاهن أرضي

الناسك البيجمع بين نوافل وفرضي

بتوسل عشان يكسب حنانك وترضي

عبد الله:

يا العالية ف سماك، وانا لسّة كاين أرضي

بهديك المحبّة، أريتو واصلك طردي

نا "المولى الموالي"، و"ليكِ"، "لازم"، "برضي"

وآلحاسدة الرزينة الزينة عاد انقرضي

في الخانة الصحيحة وصلني باصك عرضي

هيّج فيني شيطان الشعر، بي عرضي

استمتع معاي، يا حسبو، شاهد عرضي

بسعد بي حضورك، شا الله تقبل عرضي

حسبو:

يا جنية جودي على° قبل تنقرضي

ومن تال وادي عبقر ألهميني وبرضي

أكون شاكر وممنون إني أديت فرضي

أغادر الدنيا ممكون.. إلا راضي ومرضي

عبد الله:

الضاد سيبا،،، بندور الكلام الوردي 😹

في الزينة الرزينة الليها باقة وردي

غنّيت ليها ما سايل في كابلي ووردي

جودي عليّ كان اكوي العواذل واردي

حسبو:

أمطري يا سحابة ولي جناحك أفردي

أبقي غطا الرزينة في الحرور والبردي

وانزلي باحترام أهديها باقة وردي

رسالة وبلغيها أمانة أوع تشردي

سناء:

الليله عبد الله وحسبو جابو الكلام المرضي

ونحنا في رجاك ياالزينه لازم ترضي

وتهديهم باقة حنان بلون الجوري والوردي

عبد الله يرد على حسبو:

تشرد وين، دحين قول ليها بس تنزردي

وان شفت الرزينة اشّاالله ما تتوردي

كلّ القلتو فيها وكلّ شعري وسردي

ما بلحق مقاما، الزينة جوهر فردي

---

[٦] حسين: جميل وايضا لو قلت:

ريدتي وروعتك بينن"تناسب طردي"

لطفك ورقتك محال "تناسِب طردي

لمتين أنا اقعد أحن واسترضي؟

ربّنا يحفظك ويدّيكِ لامن ترضي

عبد الله:

ريدتي وروعتك بينن تناسب طردي

داير في المدار، جذبك موازن طردي

حارسك يا الاميرة، ويا هموم انطردي

بهديك السلام، ان شا الله واصلك طردي

---

[٧] فخر الدين:

ياني العفرت البسقيك أكان بس ترضي

وياك سوح روحي والخصب المزين أرضي

يا الزينة الرزينة الكل سلوكك مرضي

ريدك في الفؤاد أصبح نوافلي وفرضي

شاقني ألق بهاك فوق توبك المسطردي

و تجلي الجمال المنو عبيت طردي

ولمعة طرفك اللي غناي تناسبا طردي

لازم الباب قدُر ما عاذلي حاول طردي

---

[٨] عزّة:

بي حبه الكبير يا الزينة بختك ،، أرضي

زان القول شعر ابونواس وابن الفرضي

ندهوك الخلايق بالله ..بالله ما تعترضي

وفي قاموس هواك عبدالله يصبح مرضي

---

[٩] حسين:

شقيت بلادا ... طولها وبالعرضي

وقابلني الكتير ، بين الطلب والعرضي

بس هي من زمان، وبكرة،وليوم العرض

ست السماحة وجود ،صاينة الشرف والعرضي

2021-03-28

[١٠] عبد الله:

الزينة الرزينة الما اتلقالا clone

تاورني الحنين، بعدك، لقاني alone

والريد العلي يا الغالية، عاد let alone

والشوق التقول طالبني فوقك loan

---

[١١] عزّة:

الزينة الرزينة الما اتلقالا متيل

تاورني الحنين بعدك تركني كتيل

والريد العلي بهد جبل توتيل

الشوق معذبني ختاني ليك في فتيل

عبد الله:

الزينة الرزينة الريدا فيني شَتِيل

أطنان المحبّة اتكتّلت تكتيل

والشوق والحنين تقطع حبال التيل

حصّنتك بيوسف ومجمل الترتيل

عزّة:

الزينة الرزينة الريدا فيني قبيل

فرهد للدواخل لبسني تاج اكليل

اتلموا العوازل وفينا قالو وقيل

وفيك قلت الشعر وغنا ليكي خليل

عبد الله:

خدّي بالدموع انبلبلن بلبيل

والشوق والحنين الهدّ حيلي قبيل

تاورني ورجع، وين منّك القِبّيل؟

يا نبع السلام الحيّرت نوبيل

عزّة:

يازينة البنات يالسمحة ما زي ديل

نزلت بحر هواك وغرقت فيه بالحيل

بالريد والغرام نوم عيني باقي قليل

اصبح عقلي خالي وجسمي بالي نحيل

---

[١٢] علي:

الزينة الرزينة الما اتلقالك تاني

ريدك فيني بان وبيهو اتعرف عنواني

الظاهر قليل والريد صحي (الجواني)

يا الريدك تميمتي وسبحتي وقرآني

[١٣] عبد الله:

الزينة الرزينة الزنت بيك ديواني

بنظم فيك واقول يا الغالية ما متواني

في نصّ البلد بنشد وادق صيواني

لا خايف عذول لا شلت هم شوّاني