«عبد الله جعفر/مسدار القصاص»: الفرق بين المراجعتين

المراجعة الحالية بتاريخ ٢٠:٤٣، ٩ أبريل ٢٠٢٢

كتبه عبد الله جعفر كدعوة لسقوط حميدتي؛ كتب المربّعات بصورة منفصلة ونشرها تباعا على صفحته في فيسبوك.

النص

2020-12-29:

دايرين نشتريك لكن أبيت تتباع

ادّيناكَ نُص ما رضيت تلاتة ارباع

يا اخونا الاسد ما بخوّفوه ضباع

والقلع البشير ما بِغلِبو الاتباع

2020-12-30:

تربيْةَ البشير، ذاكر كتابو ونقلو

بدل اخوانو ديك جاب لينا أولاد دقلو

والشعب القبيل برّك بشيرو وعقلو

سكّج وللا بكّج راح يطيّر ضقلو

2021-02-05:

في دار العلم طلقوا البهايم يرعن

وحميدتي اتوهم في روحو داير اتفرعن

إلّا بشوف نهايته ف يد اخوه الارعن

الايّام شهود والناس دي ضاقت ذرعا

2021-09-28:

كركب كلاشو وما نفع

وضع السلاح ختّ الكلاش

جرّب يبدّل للبِدَل

كاميراتو تاح تاح الفلاش

خلّاها برضو، وتشاك وتشيك

يرغي ويلوّح بالفلاش

ما بحلّك آ ودّ البشير

والجرسة يا كدا يا بلاش!