«مستخدم:عبد الله جعفر/مروة الجميلة»: الفرق بين المراجعتين
(←2021-02-07) |
(←2021-02-07) |
||
| سطر ١٦٤: | سطر ١٦٤: | ||
|بتقول للقمر إذنك.. وتمشي محلّو | |بتقول للقمر إذنك.. وتمشي محلّو | ||
}} | }} | ||
| + | |||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820704550707] أمنية لمحمّد: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820704550707] أمنية لمحمّد: | ||
| سطر ١٧٢: | سطر ١٧٣: | ||
|خبر الشلبة فات ريحة الورد في الطايف | |خبر الشلبة فات ريحة الورد في الطايف | ||
}} | }} | ||
| + | |||
ما عجبنا ليك 😁 | ما عجبنا ليك 😁 | ||
| + | |||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820747890707] [[محمّد ميرغني]]: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820747890707] [[محمّد ميرغني]]: | ||
| سطر ١٨١: | سطر ١٨٤: | ||
|ما بشلبوه حرّم إلا تحكي الكلبة | |ما بشلبوه حرّم إلا تحكي الكلبة | ||
}} | }} | ||
| + | |||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820776915707] [[عبد الله جعفر|عبد الله]]: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820776915707] [[عبد الله جعفر|عبد الله]]: | ||
| سطر ١٨٩: | سطر ١٩٣: | ||
|ارقد للجمال، خلّي العذول يتملَّ | |ارقد للجمال، خلّي العذول يتملَّ | ||
}} | }} | ||
| + | |||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820778275707] أمنية لمحمّد: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820778275707] أمنية لمحمّد: | ||
| سطر ١٩٧: | سطر ٢٠٢: | ||
|يطلع حنكو حبة والشلبة ذاتا هي نية | |يطلع حنكو حبة والشلبة ذاتا هي نية | ||
}} | }} | ||
| + | |||
اركز ساي 😂 | اركز ساي 😂 | ||
| + | |||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820794030707] [[محمّد ميرغني]] ل[[عبد الله جعفر|عبد الله]]: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820794030707] [[محمّد ميرغني]] ل[[عبد الله جعفر|عبد الله]]: | ||
| سطر ٢٠٤: | سطر ٢١١: | ||
|من عصراً قديم لمن جسمنا اتنزا | |من عصراً قديم لمن جسمنا اتنزا | ||
|كملنا الرقاد في شان مريوة المزة | |كملنا الرقاد في شان مريوة المزة | ||
| − | |لا شفنا ارتباط لا حتى لايكاً شذّا 😂 | + | |لا شفنا ارتباط لا حتى لايكاً شذّا| 😂 |
}} | }} | ||
| + | |||
| + | {{حاشية | ||
| + | |المتن= | ||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820813030707] [[محمّد ميرغني|محمّد]] لأمنية: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820813030707] [[محمّد ميرغني|محمّد]] لأمنية: | ||
{{مربّع | {{مربّع | ||
| سطر ٢١٤: | سطر ٢٢٤: | ||
|ما بنخسر ودادو ولو عشان حورية | |ما بنخسر ودادو ولو عشان حورية | ||
}} | }} | ||
| − | + | |الحاشية=أمنية: و الله نضمت عاد؛ كلللو و لا الاصحاب ♥️♥️ | |
| − | أمنية: | + | }} |
| − | + | ||
| − | و الله نضمت عاد؛ كلللو و لا الاصحاب ♥️♥️ | + | |
| + | {{حاشية | ||
| + | |المتن= | ||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820847340707] أمنية ل[[عبد الله جعفر|عبد الله]]: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820847340707] أمنية ل[[عبد الله جعفر|عبد الله]]: | ||
{{مربّع | {{مربّع | ||
| سطر ٢٢٧: | سطر ٢٣٧: | ||
|يطلع قوني آوت زي هجوم كاريكا | |يطلع قوني آوت زي هجوم كاريكا | ||
}} | }} | ||
| − | + | |الحاشية=أمنية: لا عارفة كاريكا ده منو لا عارفاه لعاب و لا لا المهم ظروفو جابتو هنا 🙋🏽♀️ | |
| − | + | }} | |
| سطر ٢٣٨: | سطر ٢٤٨: | ||
|احنا مكانّا راسخ في القلب ما زايف | |احنا مكانّا راسخ في القلب ما زايف | ||
}} | }} | ||
| + | |||
[https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820887085707] أمنية، في رد على عزّة: | [https://www.facebook.com/abdalla.gafar.3/posts/10164819653455707?comment_id=10164819768315707&reply_comment_id=10164820887085707] أمنية، في رد على عزّة: | ||
| سطر ٢٤٤: | سطر ٢٥٥: | ||
|واتكرشنا قام حرجونا احراج سافر | |واتكرشنا قام حرجونا احراج سافر | ||
|لازم ننتقم والانتقام جد كافر | |لازم ننتقم والانتقام جد كافر | ||
| − | |حنطلع عقدنا علي الرقد والناكر 🙋🏽♀️🙋🏽♀️ | + | |حنطلع عقدنا علي الرقد والناكر| 🙋🏽♀️🙋🏽♀️ |
}} | }} | ||
مراجعة ٢٠:٥٥، ٩ أبريل ٢٠٢٢
مروة بابكر، أو مروة الجميلة، كما يحلو لي تسميتها، شاعرة معروفة، لمع نجمها في ثورة ديسمبر، تنشر أشعارها في صفحة تديرها على فيسبوك، عنوانها بقايا قصيدة. في بدايات العام 2021 نشطتُ في مجاراة بعض ما تنشره، وهي مجاراة من جانب واحد، على صفحتي الخاصّة، وأحيانا في تعليقات على صفحتها. في هذه الصفحة تجميع لما كتبته في مجاراتها، وبعض المداخلات، مع وصلات للمنشورات الأصليّة.
2021-01-21
- انا في عيونك ياما دُبتَ
- وتُهتَ في دربك سنينْ ..
- رغم الجراح والامنيات
- والآهة والحزن الدفينْ ..
- غنيت حروفك امنيات
- غنتني اشواقك حنينْ ..
- وعشقت فيك نبضة هواك
- والطيبة والقلب العطوفْ ..
- ياريتها ما كانت ظروفْ ..
أنا في دروبك ياما تهت
وفي عيونك دبت دوب
ليك المنى وليّ الجراح
وان قلتي آه أنا قلت ووب
ياريتا ما كانت ظروف
لكنّي لسّع عندي هوب
في نظرة واحدة وفي ابتسامة
من البنيّة اللابسة توب
[٣] الفانوب:
دكتورنا العظيم جاب القوافي طروبة
وزّان للحروف كلماته فيها عذوبة
تستاهل مريوة دكتورة جد لهلوبة
كلماتها السيوف نلقاها وكت الحوبة
[٤] سولا:
هوووي رجع يا هَكَر الحساب لاسيادو
لعبدالله القبيل في مسدارو قال لاولادو
ما تبين الخفيف المستميت في رقادو
وفي مسدار الحنك رصّٙا النُصح وأجادو
كر علي الجاهو شنو،وكيف، وشن أسبابو
شوفولو دكتور خبير خلوهو يتوصابو
يكتبلو من ادوية الطب و بعض أعشابو
عساهو يتعافى و يطيب ويعود لصوابو 😛
(صورة عليها: بسم الله ارقيك)
من لعنة كيوبيد ناشنا بي نشّابو
بي شوفة ملاك ما شفنا عيباً شابو
كسّر باب قلِبنا وعُنوةً خشّابو
خلّى العقل ودّر والحواجب شابو
تواصلت الردود في بوست منفصل؛
[٧] فخر الدين:
حكى لونو الأديم الفرهدت أعشابو
ردَّ الروح حديس لهجو البنتراشابو
لو شفتو البسيم الفي الوجوه بشابو
لعذرتو الطريف الفي الفؤاد تشّابو
لوع قلبي شوقاً في حشاي حشابو
وموعني السماح شال العقُل طشّابو
يا الحبك سكن في الجوف غرس نشابو
وصِّف لي الكتيل كان شيخو كان عشّابو
[٩] محمّد البدوي:
عبدالله الهمام الليلة جابلو هبوب
وقت شاف الجمال فرفر وقال الروب
دكتورة ال neuro الفيها خايل التوب
جرّست الشباب خلت عيونها قلوب 😍
2021-01-29
- ديـنَك ياوطني علَي
- نبنيكَ منافذ ضي
- قدر العديل والزينْ ..
- قدر الهتاف الحي
- من مقرن النيلينْ ..
أوفيتي يا مروة
واحنا العلينا الدَين
يا الـ للوطن ثروة
يا السمحة خاتية الشين
يا الفي الخُلُق ذروة
وفي الخِلقة مافي اتنين
دار نبقى ليك ضروة
خايفين عليك العين
[١٢] فخر الدين:
دينك سدادو علي
دين الوطن طالع
كل يوم يزيد مليار
وأهو لسه بنقالع
في العسكري المأفون
والفاسد البالع
وكل ما يخونا صفيق
بنقول دا سو طالع
يا مروة يا سكر
نورك دوام شالع
لا نور ولا سكر
والسوق صبح والع
وكل النقول موسى
في الإحتيال ضالع
والشعب صار مُقعَد
والفيهو روح ضالع
لي متين صبرنا يطول
والحال حجر فالع
واتساوو في الخازوق
مخلوعنا والخالع
[١٣] أمنية:
كل ما الخيبات تتمدد
و أصوات احباط تتردد
أحلام و عهود تتجدد
و كتير ثغرات تتسدد
ما حانبنيهو في يوم
ده خرابا كان بالكوم
لسسه الراجينا كتير
يختانا جميع اللوم
الضاقت و وصلت حد
اخر زرار في العد
تفرج باذن الله
و باكرنا يوم السعد
2021-02-07
يا قلِـبْ ...
وِدِرتَ في دنـيا الغـرامْ
وبكيتْ جراحاتكْ هناكْ
كمَّلتَ دمعاتَ الحزانى
وجيتني بتفتِّش دواكْ
ياقلبي مابين الضلوعْ
ما ستّف الآهاتْ سواكْ
يا مروة وين قلبك وِدِر
وانا قلبي هايم في هواك
فتّشت ليك داير دوايَ
وانتِ في أبعد نواك
ضاقت ضلوعي على القلب
يا ريتو قلبي الما احتواك
[١٦] أبوبكر فضل السيد:
يامروه وين بالك سرح
وانا قلبي مستني الفرح
برجاك مستنيك سنين
باللوعه والشوق والحنين
يا عبد الله أخوي بطّل رقادك خلّو
ما تعاف لي نصيحتي وقولي تب أذعنلو
رغم انه البنية جمالا تام بي كلو
بتقول للقمر إذنك.. وتمشي محلّو
[١٨] أمنية لمحمّد:
غايتو الليلة شفنا القص حقيقة و لايف
و عبدالله اتشلب مادايرة ليها حلايف
بعد هذا الرقاد و سمعنا يوم جيت زاحف
خبر الشلبة فات ريحة الورد في الطايف
ما عجبنا ليك 😁
عبد الله العظيم حاشاهو من الشلبة
لا خان للعهود لا يوم بلع لي حبة
مخلص في الوداد حنّاك ولين جمبة
ما بشلبوه حرّم إلا تحكي الكلبة
يا محمّد دحين سيب العيون تتملّا
واسمع من حديثا الاصلو ما بتملّ
ما تسمع كلام الناس دي، مالنا وملّا؟
ارقد للجمال، خلّي العذول يتملَّ
[٢١] أمنية لمحمّد:
مفروض البيقص شخصيتو تبقي قوية
ويقالع عدييييل في شان عيون عسلية
ما يشرك ويحاحي وسككه ما دغرية
يطلع حنكو حبة والشلبة ذاتا هي نية
اركز ساي 😂
راقدين يا أصيل وحياته رب العزة
من عصراً قديم لمن جسمنا اتنزا
كملنا الرقاد في شان مريوة المزة
لا شفنا ارتباط لا حتى لايكاً شذّا 😂
حرّم ما بنحاحي ولا بنسو للنية
من يومنا القبيل أهل الحسم والكية
لكن للصديق دايماً نفوسنا سوية
ما بنخسر ودادو ولو عشان حورية
أمنية: و الله نضمت عاد؛ كلللو و لا الاصحاب ♥️♥️
وين الغيرة يا عبدالله يخسي عليكا
وبعد الكلمة دي فنقلت جد للريكة
كل ما اقول قبضتك و عرفت دربا ليكا
يطلع قوني آوت زي هجوم كاريكا
أمنية: لا عارفة كاريكا ده منو لا عارفاه لعاب و لا لا المهم ظروفو جابتو هنا 🙋🏽♀️
لا محمّد دا تب ما منّو خوف، انا شايف
آ مَنّو الاصم، انا مِنّو عاد ما خايف
القص والشلب ديل للشباب الهايف
احنا مكانّا راسخ في القلب ما زايف
[٢٦] أمنية، في رد على عزّة:
لمن جينا نرقد طلعونا عساكر 😏
واتكرشنا قام حرجونا احراج سافر
لازم ننتقم والانتقام جد كافر
حنطلع عقدنا علي الرقد والناكر 🙋🏽♀️🙋🏽♀️