«مستخدم:عبد الله جعفر/أيّامنا»: الفرق بين المراجعتين

شوف محاسن خُلُق المهندس الفهم و الذوق و الحماس . * * * . إنت يا برلوم أصلو جرسة لسّة ياما تشوف بكرة لسّة الـ Drawing ح تشوفو حَسّة و في المساحة ب تتخسّ خَسّة بكرة ياما تقول: أنسى أنسى شلت ملحق أو شلت خمسة .. ما بهمّك صب وللا باص .. . * * * . إنت يا برلوم لسّة دايش لسّة من الصب لسّة هارش يسألوك تقول: غايتو عايش فات معسكر، ساب بيتو، طافش قال خلاص الود قاري ناقِش في امتحانو اتذكّر طراطش .. ما بحلّك إلاّ الترس .. . * * * . يا مهندس جِنّك زُواعة ساب قرايتو و بارى الصياعة هجّ فات من هندستو باعَه فات هناك School قضّى ساعة و في علوم ماش يلقى الجماعة و ما مشى الآداب قال إشاعة .. و في المجمّع كم عندو ناس .. . * * * . يا مهندس عايش شبابو ما بِخاف الصب، قال حبابو لا بيحضر لا شاف كتابو لا لكاشر لا خشّ لابو دكّ فايز قال عندو قابو و Strength داير يبداه دابو .. لما شاف الجدول خلاص .. . * * * . يا مهندس يا مالي وقتك من هموم الناس فاضي، بختك في اللكاشر ولا مرّة شفتك و ما بتترّّس، تديهو أختك السمستر قال أصلو خستك شاتو ملحق و للبعدو تكتك .. و الله حالتو تألّف قصص .. . * * * . شوف فلان داك سكّ السياسة زولنا مخلص شايلَه الحماسة بارى حزبو و باع الدراسة المشاكل سكّاها كاسَه كلّ يوم وادّينو الحراسة و السياسة قبيل قالو ناسَه: .. ما تطرّف وما تبقى راس .. . * * * . شوف فلان داك كيفن مكسّر شوفو كيف في الكافتيريا عسكر من سجارة لصندوق و أكتر ساب قرايتو و باع السمستر لا بصوّر لا عندو دفتر زولو باصى و هو اتقصّ كستر .. زولنا كورك طقّ الجرس .. . * * * . شوف فلان داك خلاّهو زولو زولو مين؟ ياخ العندو Polo فتّش الأعذار ما رضولو شين يقول؟ ما خلّولو قولو داير يوسّط و الناس أبولو حالتو صعبة و حال ليهو حولو .. لا أكَل لا نام لا درس .. . * * * . شوف فلان البارى الضبّبة هم باصوا و صاحبنا صبّ داير يسيبُن كاس ليهو سِبّة بِقى بِمشي علوم حبّة حبّة صيدلة و أسنان و الأطبّا يوم و يومين صاحبنا حبّ .. و في المجمّع سوّالو ساس .. . * * * . يا فلان م تبطّل عوارة شوف قرايتك خلّي الشتارة السجارة وراها السجارة و كلّ يوم جايب ليك شمارة في الـ Tower للـ C’s للعمارة زولنا ماشي School يا خسارة .. شافو واحد؛ عمّك دقس .. . * * * . الملاعب نحن ب ندورَه شوف فريقنا و كيف دقّ كورة و في المجمّع شوف أحلى صورة هندسة و تشجيعَه و حضورَه و اقفة ساندة اللاعبين صبورة يا بنخسر و الناس فخورة .. يا بنرجع في ايدينّا كاس ... . * * * . يا ام عيونا ساحرة ب تجرّس و الله شوفتِك تشفي المدبرس يا البِتشرح للناس تدرّس يا البِتكتب و الناس تترّس إنت ملكة و ذوقِك بحسّس دا دلال ايه؟ دا دلال مهندس .. اللقاه ما بعدو كاس ..

الرسموك في ضميري وين سميري . * * * . الأستاذ بِدرّس و أنا داكّي و مدبرس لا قاعد أتندس و لا قادر أترّس من بُعدو متجرّس و الناس دي ب تحنّس ما برضيني إلاّ أشوف الباشمهندس . * * * . برلومة ونّاسة حسّاسة حسّاسة ما قالوا ترّاسة لو شفت كرّاسَه تحلف دي الدراسة و أنا دستوري نازل .في معمار و ناسَه. . * * * . شاكي و راسي ضارب باكي و قلبي دايب من بعد الحبايب أنا ما راسي شايب .من نور الكهارب. . * * * . يا السمحة ف طِباعَه يا الماها زوّاعة يا الماهة بيّاعة بهتف بي شجاعة أنا ماش يا جماعة هندسة الزراعة . * * * . قلبي خلاص رحلّو باراهو زي ضُلّو طار من صدري، خَََلّو لو داير أصلّو أنا عارف محلّو أنا سجّلت عمري .للكيميائي كلّو. . * * * . برلومة بي مِيّة في جمالَه هنديّة و بي ذوقَه مكسيّة و بالأخلاق غنيّة و في التعليم دريّة هيّ ف قلبي هيّ .الداخلة مدنيّة. . * * * . من قلبي حابّيك و بي روحي بفديك و من عمري بهديك و قاطع شعري فيك لو سألوك عنّي أنا ماشّي ميكانيكا . * * * . يا الزاهية ف نضارَهـ زي نور المنارة رايقة و قلبي دارَهـ موقدة في قلبي نارَهـ ما بِطفيها إلاّ أزور قسم العمارة

برلومنا داكّي و خالط قاعد يتونّس دا الــ من عزومة البارد و العصير فلّس . * * * . لا خشّ لاب لا لكشر لا لحق تندس لا باصى في التستات لا كورس ويرك ترّس في الامتحان شاف ليك الدنيا تتعكّس يا الــ كنت بس تتضاحك حسّة تبكي و بس . * * * . في كلّ يوم في ليلو بالربيت هلوس ما تخلّي قلبك جامد أوعى تتجرّس لو شلت صب ما تخجل أوعى تتحسّس ياخ أوعى بس تتضارى البورد ما بِندس . * * * . شال ليهو كوم صبّات الود خلاص دبرس لاقاهو واحد سينير صبّرو و حنّس جاب ليو قزازة بارد قعّدو و جلّس قال ليهو طوّل بالك أسّة روّق بس . * * * . قال لي انت دا استعجلت و حظّك إتنحّس حسّة استفيد من روحك؛ الدقس درّس تاني ما تستعجل و أوعى تتحمّس حبّة حبّة اتعلّم لما تتمرّس في الكورسويرك بالذات بس أوعى تتدقّس و الامتحان في القاب بتجاب و بتخلّص

زول شاف مهندس آمَن أصلو ما شكّ قال زول عجيب و الله و عارف السِكّة . * * * . لو في السياسة مناضل كلّ يوم عكّة لو في الدراسة محنّك عارف الحبكة لو في القيافة مهندم ظابط الشكّة يا الــ للهموم فرّاق ما تفارقو الضحكة . * * * . لو شفت في الميدان الهندسة الملكة و لو شفت في التشجيع بي ’سمبلا‘ ’وكّا‘ لو في الحنك و الناس بالنسبة ليو لِكّة لا بِقعد اتكبكب لا حسّ بي ربكة . * * * . في كلّ كوم لابات لابد يكون دكّ و من كلّ كوم تستات لازم يكون زكّى الكورس ويرك باصاهو و أصلو ما سَكَّه الامتحان هو الصَمْ و الكورس ويرك فكّة . * * * . في القاب خلاص بِتوكّل و اْقرا و اْتحكّ قال المثل: ”يس ساعدوها بي جكّة“ لا زول غتيت لا ضب كسّار و بِتشكّى و ان شاللو 100 صب ما بقعد اْتبكّى

يا مهندس حظّك تعيس متنحّس الليلة . * * * . في أولى جايي مسخّن الود خلاص متحمّس في الــ Calculus قصّوك و الناس تشيل و تحنّس . * * * . في تانية عامل سينير الود خلاص هو الريّس كلّ المواد انسترت إلاّ الرسم متعكّس . * * * . في تالتة عامل روحك الود خلاص متمرّس تيوتوريلات ما ب تحْضَر و تقول لصاحبك تندس . * * * . كلّ الأساتذة اكتشفوا من يوم بقيت بِتّرّس الكورس ويرك صبّيتو و في الامتحان متجرّس . * * * . نصّ المواد صبّيتَه بقيت تعيس و مدبرس من الربيت تتراجف و كلّ يوم بِتهلوس . * * * . الصب خلاص باصيتو في رابعة قلت تكيّس أدّوك شاكوش جامد و قاللوك كلام ما كويّس . * * * . بقيت مدمّر قاعد هناك براك متحسّس و حلفت عمرك أصلو لمّن تموت ما تعرّس . * * * . في خامسة رايق فاهم لامّي البرالمة تدرّس الجامعة ما ب تِتفارق بتمشي وين يا مهندس

الكهربا ساهلة باصاتَه ساهلة بس رُووووووق بس روق وأحلا . * * * . يا الديمة ساقط متين بِتباصي كفى السمستر من دمّك ماصّي . * * * . الصب ليك ساهل والباص ليك عاصي مرّيت من فايز والدومة قاصّي . * * * . قضّيت سنيني صابر مستنيّ أجيب الـ first وافرح و اغنيّ أوّل سمستر جاني و لجنيّ أبيت التاني ما داير أتنيّ . * * * . لا ميرغني بِحضر لا حارق دمّو لا خاف من فايز لا شايل همّو

كرار ومحسن في القاب بتّمو كمال وايمان بالــPush بتلمّو . * * * . قاعد بتونّس خالط برلومة شال خير الدنيا وما شال هموما راكن موادو كل مادّة ليوما لا بخش لي فايز لا شاف الدومة . * * * . قدر ما يكسر الباص أباهو في كلّ سمستر كم صب صبّاهو شاف الــ بِدكّو بالباص اِتباهو الصب خلاّه والباص صبّاهو . * * * . شايل كتابو قال يمكن جايز الحظ يتصلّح ويباصي فايز عايز تباصي و الباص ما عايز شكّوا الكشتينة و رموك البايظ . * * * . قدر ما تكسر الـ A ما تجيك قدر ما تهمل الـ F راجيك أوزن قرايتك في النص خلّيك بس إلاّ لمحسن تديو بِدّيك

لو سبت الصب والصب خلاّني ولو جبت الباص ما داير تاني . * * * . كاسر تمام للــ A مستنيّ جاني امتحان قاسي ومحنيّ فتّشت الباص بس باص متمنيّ رضيت بالباص والباص أباني . * * * . قالوا الأمين في الرسم قاسي دا الـ بالتستات جارح إحساسي يتباصَى كيف؟ دا الشاطب راسي القسم اتكرّم علي باصاني . * * * . الكمبيوتر . . . بِتباصَى عادي داير أنفخ بيه يتم مرادي نص ناس الدفعة من A وغادي حظّي المتنيّل في الــ C رماني . * * * . قاري ومتجهّز كاسر Thiraja فتّشت الباص ضرّبتو وما جا لو جبت D ما داير حاجة بعمل Drop في الــ Term التاني . * * * . الدومة ف جيهة و فايز في جيهة والباقي كلّو جيّهتو جيهة قال قلت فايز الــ C بِدّيها قريت للدومة وفايز قصّاني . * * * . الود خلاص عامل حسابو شايف فلان داير يكسر دابو جاب A+ والــ First جابو وأنا حارق دمّي والباص ما جاني . * * * . كلّ اللابات ضاربة وبرّاية قدر ما نحاول ما تجينا قراية ما قدرت أتبخ ورفعت الراية وسألت الناس ماف زول ورّاني . * * * . قاعد متجرّس والناس ملمومة الحاص أيه؟ الليلة الدومة أدّيني الفاتحة علي المرحومة الــ Complex يا الــ ما عزّاني

يا رجال الـ هندسة

هندسة هندسة هندسة . * * * . يا طالب طب أوعى تقرّب يا طالب School أبعد يا زول طالب Business قالوا ب هلوس . بي هندسة. . * * * . طالب صحّة ودّينَه مصحّة طالب آداب لطشنَه و تاب طالب اقتصاد أيه يسوى قصاد .الهندسة. . * * * . طالب علوم ورّيناو يوم طالب قانون ورّينَه فنون طالب التربية ورّينَا التربية طالب شمبات اِتشهّد مات من يوم ما جات الهندسة . * * * . الليل الليل يا ليل يا حلاة الهندسة بالليل

أبو لي بي أبو لي بي اللبن

أمّي قالت لي أخدي ليك دكتور قلت ليها لا أريتو دا الطرطور .الــ زيّو ما بِندور. . * * * . أمّي قالت لي أخدي ود School قلت ليها لا أريتو دا الدلدول .الــ أصلو ما مسئول. . * * * . أمّي قالت لي أخدي ود علوم قلت ليها لا أريتو زول الشوم .ما عندو قالوا هدوم. . * * * . أمّي قالت لي أخدي ود Business قلت ليها لا أريتو بايخ؛ بِس .الــ أصلو ما بونّس. . * * * . أمّي قالت لي أخدي ود قانون قلت ليها لا أريتو دا المجنون .الــ كلّ يوم مسجون. . * * * . أمّي قالت لي أخدي ود شمبات قلت ليها لا أريتو دا الربّات .الــ بُخلو ما بِتفات. . * * * . أمّي قالت لي أخدي في اقتصاد قلت ليها لا أريتو دا القدّاد .الـ عيشتو ما ب تِتراد. . * * * . أمّي قالت لي عرّسي مدرّس قلت ليها لا مبشتن ومفلّس .الــ عيشتو بِتدبرس. . * * * . أمّي قالت لي أخدي ود قِسمك .الدمّو من دمّك. قلت ليها آآي آآي سِلم فمّك

. * * * . أمّي قالت لي عرّسي مهندس .رايق و كويّس. قلت ليها آآي وغيرو ما أعرّس .أريتو بي يحس.

مرض مرض يا الشمباتة تاكلوا نيم و قرض يا الشمباتة . * * * . قلتوا تيم شمبات أصلو ما بِتفات هندسة يوم جات نص فريقكم مات . * * * . نحن ديل دكتور وللا زول بيطور أصلو ما بِندور لو بناتنا تبور . * * * . شوفوا ناس آداب قالوا هم طلاّب ياخ ديل ياداب بِقروا في الكتّاب . * * * . شوفوا ناس School مافي فيهم زول لا لِعِب لا قول أصلوا ما معقول . * * * . أصلو ناس علوم حقّهم معلوم .الغُلُب بالكوم. . * * * . قالوا مُتضهّب في مجمّع طب قَبَلَك قنّب وأوعى تاني تشب . * * * . إنت زول برّاي في اللعب بكّاي .في الضرب جرّاي. . * * * . أصلو ما ب تِتدار في اللعب خرخار .والغُلُب ما حار. . * * * . إنت أصلك شين شوف حميرك وين وابقى بينُم بين شان تكفّ العين . * * * . قولوا دايرين كم قولَه بس وانطم واصلو ما تشيل هم . * * * . اللعب جاييك والغُلُب راجيك دستة دي ب ندّيك واوعى من السيك

أنا راسم في قلبي صورة الباسم في هندسة أنا راسم في قلبي صورة الباسم مترِّسه . * * * . سنة تانية ما عاجبانا ولا المواد غالبانا ربّتنا فيها برانا عشان نلاقي ’فلانة‘ .ونكيّسَا. . * * * . الزول دا ما ِبتوصّى ما بِدّي فيهو الفرصة ما اظنّو يوم اِتقصّ و قرايتو حِصّة ب حِصّة .ومؤسّسة. . * * * . يومي الاجيه مدبرس بِحن عليّ ب حنِّس يومي الاجيو متجرّس بِقوللي أمسك ترِّس .دا مدرسة. . * * * . أكان رجيتو دقايق ما اظن اكون زول فايق أظنّي زولاً ضايق من امتحان و ملاحق .ودبرسة. . * * * . لو جابو ليك عواذل علي كلام ما حاصل قسيت بقيت متجاهل؟! ما اظنّو قلبك شايل .أظن نِسى. . * * * . أهو السمستر جالي و عليك عقدت آمالي تحن علي ترضالي لكن قليبك سالي .وعلي قِسى. . * * * . بي حالي إتّ الشايف من الربيت ما خايف رادم قرايتي وحالف لمّن تحن و تلاطف .ما ألمسا. . * * * . قايل السمستر ساهل و قابوا قايل ماهل قعدت قايل قايل جا سوّى فينا عمايل .أذى وأسى. . * * * . يا غالي وينك فُتّ أنا شِلت لمّن مُتّ يا ريت تحن بس حِتّة و تعود لي زي ما كُتّ .بَقول عسى.

إنت النصيح بِتجنتري والضب عديل بِتكستري . ستّ اللسان العنتري. . * * * . بِتبيعي فينا و تشتري ولمّن نجِد تستهتري فينا العصير تستكتري ويوم تعزمينا ب تِفتري . * * * . كايسة الشمار تشّمشري وفي كلّ شي ب تتحشّري جاك الشمار بس ابشري وشيليه وامشي وأنشري . * * * . برّاية تبري الزول بري ولي كلّ برية ب تنبري الجاك ما بتعبّري ولمّن تجيو بِتعبّري . * * * . إنت السعيد بِتعكّري وبالامتحان بِتذكّري مرّات بعيد تتذكّري ومرّات أخوك بْتنكري . * * * . مرّات كتير تسّنتري وتبرينا لامن تَفتري دايماً كلامك تَشْتُري والــ بِنستر ما ب تستُري

لمّن تروقي ب تضفُري ولمّن تهيجي ب تكفري لمّن تريدي ب تنفُري وكان لُمتِ زول ما ب

                      تغفري

. * * * . بارد وحيد بِتمرّري وذالاّنا بيو؛ ما تمرّري كَدي أسخي مرّة و كرّري سويّها ما ب تتضرّري . * * * . لي كلّ شي بْتتصدّري وبِتبوّظيه تودّري وقت الكلام ما بتقدري خلّيك عاقلة وقدّري . * * * . لا شفتِ لاب لا ب تحضري لا لامتحان تتحضّري لا ب ترقي لا بتتحضّري بس تبري؛ حقو تحضّري . * * * . ضيّعت كتبي ودفتري و خستكت ليّ سمستري ياريت تراعي توتّري البي كفاي ما ت كتّري

من الهندسة و هجّ سايب فِجّة لي فِجّة .قلبي الليلة إتفجّ. . * * * . ضوّت جنبنا الأقمار تجهر البعيد و المار جسمي اِتهدّ و اِدّمر من نور هلّ في معمار . * * * . عاد جنّيت و زدت جنون و ضايق من عذابي فنون شايف درّنا المكنون فات الشعبي لي قانون . * * * . صار جسمي الهزيل متكول لا بشوف نومو لا بياكل الزول الــ بِهمّ الكلّ قالوا الليلة ماشي School . * * * . عاد قلبي الرهيف ما داب من نور حسنو و الآداب بَسأل، قالوا لي ياداب أسّع مرّ بي آداب . * * * . شتّتَ القلوب لِمّين غيرك مافي شي ب همّين وين الراحة و الطِمّين من قالوا الحبيب في

                      المين

. * * * . حالي الكلّو إتشقلب و حالف ما أخش اللاب الما بِشبه الطلاّب ماشي الليلة أندرلاب . * * * . ما حالي الــ علي معلوم هايم طاشّي زي برلوم لاحِق، قالوا ماشي علوم و ان فات ما خِتاني اللوم . * * * . كيف جسمي العليل دا يطيبو يلقى الراحة و الترطيب النور الــ بِيعبق طيب شرّف في مجمّع طِب

يا عزّة الاوان لي فات وديل كلّ المواد F ات . * * * . سمستر قاسي ما أنصف لنصّ الــ GPA نصّف قدّيت المواد بالصف وكيف الحالة تتوصّف . * * * . بعد ما قلنا نتضبضب وللــ Exam. دا نتوضّب فلان ورّانا ليك الضب وتاح شيّلنا ما كضّب . * * * . فلان داك بيّت النيّات عمل للأمّة نفسيّات بِشيّل قالوا بالمِيّات هو يكتل وندفع الدِيّات . * * * . فلان كورس ويركو ياخ دعّاك دا مِن تِستاتو جا وكعّاك ما لقيت ليك زول وعّاك دا بس قول ليهو: الله معاك . * * * . فلان جاب امتحان هرّاد دا لا بِتحلّ لا بِتراد يمين بالله جانا مراد نسيب الجامعة ليو نحرد . * * * . فلان في الامتحان كفّت يميني العدّى بس كلفت شِمالي الــ قنّب اِتلفّت وانا الأعصابي تتفتفت . * * * . فلان الــ قلنا ما قصّر وجاب لينا امتحان دش صر جا كشّر وشّو ليك صرصر وفي الــ F ات دي خمّ وصر . * * * . جود يا ربي يا جوّاد بِقيت شايف سواد في سواد بِقيت واحد من الروّاد دي لو عدّيتَه 6 مواد . * * * . بشوف الصب علي منصب بشوف الدنيا صب في صب بِقيت للصب دا بتعصّب وماش لي مُلكو اتنصّب . * * * . هواك يا عزّة لي يكفي وكلامِك ليّ لي يشفي دا لو فات العمر بالفي عزاي يا عزّة إنّك في

هندسة مالِك علّي هندسة شِلتِ عينيّ . * * * . من اولى ركلسنا والبِنق دقرسنا في الآخر دقسنا دبرسنا دبرسنا . * * * . سنة تانية بطّالة نسّتنا العطالة بِقينا حالتنا حالة والباص بس بالجلالة . * * * . سنة تالتة برّاية نسّتني الوراي يمين سايب القراية لو قدّيت براي . * * * . سنة رابعة قدّادة وانا قلبي ما رادَه اللابات قُرادة زي يوم البِرادة . * * * . سنة خامسة الكئيبة والفرقة الصعيبة دي الجامعة الحبيبة كيف امرق واسيبَه

ياناس إنتو مالكم ومالو . * * * . فايز بُكرة قالو وما ناوي يقرالو و لا حتّي في بالو ما يشيلو كان شالو! . * * * . ما طاري السمستر لا شنطة لا دفتر لا بِقعد إتوتّر أيه يعني لو كستر! . * * * . مشكلتو محلولة حنّاك درجة أولى و ترّاس مِن في أولى يا ناس دي معقولة! . * * * . اللاب كلّو ضارب ما جاتو التجارب قال الترس واجب وترّس ترس كارب . * * * . ترّس ريبورتاتو والامتحان شاتو أيه يعني لو صاتو ولو شال 100 ذاتو . * * * . ما قنّب اِتجرّس لا اتذلّ لا حنّس يا جلّى يا ترّس ويا دكّ يا تندس . * * * . شايل كوم ملاحق وما شكلو مُضّايق هادي ودمّو رايق وماشّي الحفلة لاحق . * * * . دا الــ عُمرو ما اتكبكب ولا فكّر يتضبضب شال المواد صب صب وباصاها لب لب لب

عيش معاي الهم والريبورت القاسي خلّيني أنسى سنين عشتهم ترّاسي . * * * . عيش معاي همومي واكتب معاي تقريري خليني أخلص بدري خلّيني أرضي ضميري يا حبيب ارحمني بالله راعي شعوري الامتحان قرّب لي خلّيك جنبي ضروري لما تبعد عنيّ الصب ح يبقى مصيري . * * * . لي سمستر جاني ورّاني ما ورّاني العميد تلتلني والرشيد ذرّاني لا بَخش لــ فايز ولاني شفت تهاني ولاني جيت لــ سامي ولا هو سامي الــ

                    جاني

دا سمستر ضارب أخَير نشوف التاني . * * * . يا حبيب ألزَمني خلّيك ديمة معاي في لكاشر مُرة وتيتوريلات برّاية الامتحان قدّامي والصب دا جاري وراي لما تبعد عنيّ كيفن بَباصي براي وكيف بدونك تصبح القراية قراية . * * * . دا السمستر جالي وعليك عقدت آمالي يا حبيب أسمعني رضاك علي راس مالي الامتحان في يميني والكورس ويرك في شمالي كان ظنّي بيك تسندني وتقيف معاي طوّالي كيف هان عليك تهجرني ولا تحن لي حالي

يا علوم الهنا يا علوم . * * * . من جيت قاطع الغربي خلّيت في علوم قلبي بَهديك يا علوم حبيّ مفتون بي هواك مغروم . * * * . أضناني الفراق والبينحنّيت لــ قعاد الــmain يا علوم ألقى زيّك وين؟يا تاج جامعة الخرطوم . * * * . يا حليل العلوم يا حليل مشتاق للقعاد في بليل ومشتاق للمقيل للّيل فايقين ما عرفنا هموم . * * * . يا حليل لمّة الطلاب ماشّين غشوة لــ آداب وراجعين تاني أندرلابما طال النهار بِنحوم . * * * . يا عيون ابكي من فرقي وين تاني المنام تلقي يا حليل لمّة الشرقي من ديك ما عرفت أنوم . * * * . أيّام الشباب كبكاب ما اتعلّم قراية الــgap الشاطر بِيقرا كتاب والهامل بِيكسر Schum . * * * . في البنق ليّ كان كم game كم زول كنت بَحجز ليم وكم زول كنت بَقشر بيمخلّيت الشباب مهجوم . * * * . في الطب ليّ كان أصحاب واسنان مِنيّ كانوا قُراب وعلوم لمّت الأحباب لكن الهنا ما بْدوم . * * * . في علوم ليّ كان حِبّان وفي طب، صيدلة وأسنان مشتاق لي كلامنا الكان قاعدين مافي نِيّة نقوم . * * * . والله الزمن فرّاق والله الفراق حرّاق

عليّ زاد الشيل ولّف علي بالحيل الليلة للناس ديل متين أباصي؟ . * * * . لابات تهدّ الحيل والهم مدفّق سيل الليلة للناس ديل متين أباصي؟ . * * * . يا حليل زمان يا حليل أطرى الــ نِسيتو قبيل أيّام علوم وبليل والراحة والتكّيل والقعدة والقيَّيل من تانية شفنا الويل ورّونا سهر الليل الليلة للناس ديل .متين أباصي؟. . * * * . في تانية شفنا الكد لمّن جسمنا اتهد عشرة وتلاتة ما لقينا فيهن يد أنسى الــ Drawing أصلاً دا فات الحد وانسى الكهارب صبّين ضمان في اليد فيزيا الجوامد خلّتنا نتجمّد والكمبيوتر . . . خلانا ليك نحرد والدومة ناوي للدفعة دي ورقّد Digital مخستك والثيرمو ضارب جد Metalurgy بايخ والاحصا أصلاً قد قلنا ف نفوسنا ليه العذاب يا ود لمّا الكلام كتّر قرّرنا نتمرّد . * * * . كان الشباب قنّب قال اِقرا واِتضبضب كان السمستر شُتناهو لب لب لب كان جِبنا لَينا First مكرّب تب كان جِبنا 100 الــ ما ليها زول جرّب كان جِبنا 9 الــ ما ليها زول عتّب فُتنا الحكومة الــ ما ليها زول قرّب قسّمنا بارد كلّ الشباب يشرب سبنا الربيت والصب وسبنا الترس والسب . * * * . !( أبيات تصف عم عوض وهو قادم ليعلّق النتيجة) واحد حكومة والــ 8 ضمان في الكف واحد بِقالِع في الــ 7 واِتأفّف واحد مكسِّل بالــ 6 بِتشرّف واحد بِحصّل في الــ gap وبِتصرّف واحد بِباصي بالفاتحة كف لف نف واحد بِعدّي بين الترس والشف واحد مدبرس لي حالو تتأسّف واحد مجنتر للصب دا بِتكيّف واحد مهستر راس مالو واحد كف وانا راسي ضارب كيف حالي تتوصّف الصب علي ولّف وشِلت المواد بالصف . * * * . وقت العلم عضّم قلنا الغرام أرحم لي في البرالمة برلومة بيهم صم ما عابَه عايب والله ما ب تِنذم شوف السماحة بدر التمام الــ تم شوف الأصالة زيّ الدهب واكرم شوف النضارة زيّ الزهور وانعم شوف الطبايع بالله واِتعلّم ما زولة هايفة، وبالفارغة ما ب تهتم تسمع حديثك لا تمل ولا ب تسأم بي نظرة واحدة تْخليك تتبكّم بي بسمة واحدة تْنسّيك كلّ الهم إن دُرنا نوصف ساعات ح نِتكلّم وان دُرنا ننصف بِنقول أخير ننطم يا الغالية قولي آخُد رضاك بي كم واقف عليك وغيرك علي حرّم إن ما لقيتك أحسن أموت بالغم طول العمر بَندم وابكي ب دموع من دم

آه يا النسيت أيّاما العشنا فيها غرامنا . * * * . في تَوَرنا العالي والكلام الحالي والحبيب الغالي دِيمة ديمة ف بالي . * * * . والقراية الــ حبّة والقليب الــ حبّ شِلنا 100 حبّة دا الربيت يا حبّة . * * * . والحبيب القاسي كم جرح إحساسي شال لي شاكوش راسي راح مكسّر رأسي . * * * . في القراية الكابّة والقلوب الحابّة والأغاني الرابّة والنتيجة الصابّة . * * * . ميرغني الــ ثبتنا والرشيد خبّتنا ماما جات ربّتنا والعميد ربّتنا . * * * . في training زيرو بالجبُر بِنزورو أصلو ما بِندورو لا اللحام لا غيرو . * * * . وين تبيخنا الطاعم وين ترسنا الفاهم والريبورت الحايم وين صديقنا اللايم . * * * . شوف فلان بكّوه والخبر سكّوه والكلام حكّوه والشمار فكّوه . * * * . الكورس ويرك فتّرنا والامتحان وتّرنا والعِلم جنترنا والقسم كسترنا . * * * . في اللكاشر المُرّة كنا دايماً بَرّة ما ب نخُش بالمرّة وللا نقعد ورّة . * * * . والبرالمة النايرة والسناير البايرة والعقول الحايرة والقلوب الطايرة

الليلة وين لي وين وعجبوني كالو العين .يا عيني أنا. . * * * . غنّيلو بِت عبّاس بي شغلو مو ترّاس بي حقّو ما ترّاس ولدنا جاب الباص . * * * . غنّيلو بِت عمّو دا الــ ما حرق دمّو الــ ما هرد دمّو والباص دا ما همّو . * * * . غنّيلو يا بنيّة قولي وشكّريو ليّ غنيّ وشكّريو ليّ الــ A علي شويّة . * * * . غنّيلو يا أختو ايهاتو ما بيختو A هاتو ما بِختو والدكاترة ما بيختوا . * * * . غنّيلو بِت الخال وقال شغلو ما بطّال قال شغلو ما بطّال ح يباصي، تب ما شال . * * * . غنّيلو وابشري ساي في الكورس ويرك باصاي في الامتحان باصاي دي الحالة ما قرّاي الود شفت والله دا ولدنا عبدالله . * * * . غنّولو يا بنيّات باصاتو ما نَيّات باصاتو ما نَيّات ما عندو غير A يّات . * * * . غنّيلو بِت خالو دا الــ بِتمنّوا لي حالو دا الــ بِتمنّوا لي حالو بخت البِت الــ في بالو

الباص دا ما جاني طفش منيّ خلاّني . * * * . أوّل ما جينا علوم الزول جديد برلوم في البِنق طول اليوم وقرايتو كلّها Schum . * * * . ود الأمين غير C أكان مُتّ ما بِدّي هدّي اللعب هدّي بوَصّيك من اسّي . * * * . تانية من ما جات اتهرينا بالتِستات دا الكورس ويرك بالذات هو الــ نسّانا كلّ الفات . * * * . يا ناس خلاص صبّيت وهضربت بالرِبَّيت قال ليّ أقرا أبيت وفي الامتحان قدّيت

باص باصين شويّة يا دكتور عليّ . * * * . ما قارين كفاية والمادّة برّاية .بطّلنا القراية. . * * * . صوّرنا الدفاتر وما قادرين نذاكر .كمّلنا السجاير. . * * * . واحد أصلو ساهل وواحد شكلو شايل وواحد قابو ماهل والباقين بدايل . * * * . عسكرنا المعسكر وقدّدنا السمستر حدّدنا السمستر والــ ما اتقصّ كستر

شمباتة مياتة أيـــــــــــــــــوة بِتغلبوا تلاتة أيـــــــــــــــــوة ترّابة تعابة أيـــــــــــــــــوة والقون كبكابة أيـــــــــــــــــوة الطب تعبان أيـــــــــــــــــوة والقون دا جبان أيـــــــــــــــــوة ناس صحّة ضُعاف أيـــــــــــــــــوة والقون دا بخاف أيـــــــــــــــــوة School دي وهم أيـــــــــــــــــوة راس مالُم كم؟ أيـــــــــــــــــوة آداب كضّاب أيـــــــــــــــــوة والقون كبكاب أيـــــــــــــــــوة وانحن حديد أيـــــــــــــــــوة والكاس في الايد أيـــــــــــــــــوة