«مستخدم:عبد الله جعفر/أطروحة»: الفرق بين المراجعتين

شايفاني معذّب بتململ وللا ف حالك ما شايفة البَي؟ ما شايفة مقامي الاتهمّل ما شايفة ضميري الشاوياو شَي؟ ما شايفة يميني المالّاو مل ما شايفة شمالي الكاوياو كَي؟ غلبان ما عارف ايه أعمل عطشان في ريدك راجي الرَي قلبي البس صابر ويتحمّل ما قادر حتّى يقول ليك أَي حيلي الفاضل قرّب يكمل روحي الفضّل لخروجا شوَي ما عندي نصيب لكن بأمل ربّنا يهديك ويجيبك لَي وتعِزّي الكان عندك مهمل وتقولي لروحك: دا الزول، هَي ويكون في عيونك ولا أجمل ويعيش في حياتك وِاْرْجع حَي خلّيني أقول ليكي المجمل والله بلاك ما داير شَي