«عبد الله جعفر/قول لي فولكر ما تستعجل»: الفرق بين المراجعتين

{}{٣٠ يونيو صداهُ اتجلجل}{} قول لي فولكر ما تستعجل وقول لي بُرمة استنّى شويّة ولم توقيعك واْستحِي أخجل وللبرهان الباعنا لدقلو ما تتراجف يازول أرجل يا فولكر سرطان المعدة ما بفيدو المحريب والحرجل ما ناقصين موساد وعمالة وكيزان العسل التتدجّل والتوم هجو، لا مؤاخذة، ينضم وجبريل يفتي وأردول هرجل وحميدتي الكضّاب يتخفّف جاهل، سافل، داير يتبجّل نحن مسكنا دربنا وسرنا وواصلين حد الما بتأجّل وقالوا الشعب ان قرّر يحيا قيدو بيكسر وليلو بينجل شعبنا "قوّة السلم مُناها" ووكتين يغضب ما بتوجّل نار اكتوبر وقدت فوقو "وفار بركانو وبغلي المرجل" واصلين لي غاياتنا ونكتب في تاريخ بالدم بتسجّل سبحة وطرحة ونادي ومسجد عانقن الشاكوش والمنجل هوّ وطنّا بنلتف حَولو في الدايرة المرسومة ببرجل