مستخدم:عبد الله جعفر/قصّة حياة فنّان

نشرت هذه القصيدة على صفحتي في فيسبوك في 2017-10-18 مع التقديم التالي:

النص أدناه 👇🏽 كان محاولة بائسة جدّا 😅 منّي قبل كم شهر كدا عشان أشوف روحي لسّة بعرف أنظم شعر وللا لا؛

طلعت حاجة كدا زي شعر المساطيل 😂؛؛

ما يستفاد من التجربة: ما تخجل من تدهور مستواك، keep practicing؛

لو كنت ح أخجل من تدهور مستواي ما كنت قدرت رجعت للقراية والامتحانات بعد فارقتها!

المهم، نترككم مع هذا النص الجميل 😌، بعنوان "قصّة حياة فنّان"!

النص

قصّة حياة قنفد

كايس مكان يرقد

جلدو الملان بالشوك

قلبو الملان بالود

(مع انه شوكه جميل

زي ريشة الهدهد)

شايل الحنان للناس

والناس تشيل وتصد

طارق قلوب الكل

ما لاقي حدّ يرد

خايفين مع نّو الشوك

لا بعضّي لا بنقد

الشوك دا بحميه

من دونه ما بصمد

من رقّة احساسو؛

في الدنيا حين تطرد

بتضارى بالأشواك

يرحل بعيد، يشرد

ويتحمّل الأشواق

لمّا الجروح تبرد

ويعود لأحبابه،،،

لابد يعود، لابد