عمر مصطفى أبو منّة/قصاصات
من Sudan Memory
قصاصات أشعار ثوريّة كتبها عمر مصطفى أبو منّة ونشرها على فترات متفرّقة على صفحته على فيسبوك.
النصوص
مِن زغردن فوقي البنات
عِرفتَ انو الثورة جات
هبّيت ومليان بالثبات:
المات فِدا الحرية حي
والحي بَلا حرية مات
قُشّي دمعِك.. هاك صباحِك
يا بِلادي
جاكِ فجرِك يغني ضاحك
يا بِلادي
داوي بي كيِّك جراحِك
يا بِلادي
و فرّي بالغنوات جناحِك
يا بِلادي