عمر مصطفى أبو منّة/الجندي المجهول
أغنية ثوريّة من كلمات عمر مصطفى أبو منّة وأداء مازن حامد.
النص
ألفِ بل مليون تحية
لي مناضل وجندي مجهول ..
قلبو جمرة ثورة حية ..
وجعتو الما قالا لي زول ..
كانوا درقة وطوق نجاتنا ..
سووا أجسادُم متاريس ..
قدّموا الروح شان حياتنا ..
ماتوا من خلف الكواليس..
حيّوا جيل أسمر مشاغِب
الشعارُم : لا مُساومة..
ديلا صُنّاع المواكب :
(لجنة الحي والمقاومة) ..
شعبِ واعي .. وجيل معلّم ..
أمة صاحية وفاهمة دورا ...
أيّ دعوة أم : مواكب ..
أي حِس زغرودة ثورة ..
أيّ فيديو :حبِل مشانق ..
أيّ غنية وأي صورة ..
وأيّ طفلة جميلة تهتف...
جوة مدرسة خلف سورا ...
من زوايا الثورة زاوية
في الشدايد عالي صوتا ..
ديلا أخوان عم معاوية
فاتحة أرواحا وبيوتا ..
تاجر آمن بالقيادة ..
قال في سِرّو: (بلادي أولَى) ..
و أسرة شايلة فطور ولادا ..
جاعوا شان ما يبنوا دولة ..
وكلِّ زول في دربو هايم ...
شايلو همّنا صاحي نايم..
جوّة في حر السمايم ..
وبرّة في قلب العواصم
كان بِقول ليك.....
(ياما شايلك فيني حايم ..
لا الليالي المخملية ..
لا العمارت السوامق ...
لا الأسامي الأجنبية ..
تمحى من عيني ملامحك) ..